Azərbaycanda dəhşətli yol qəzası baş verib. Respublika Baş Dövlət Yol Polisi idarəsindən “Qafqazinfo”ya verilən məlumata görə, hadisə ötən gecə Şəmkir rayonu ərazisində olub. Qırmızıkörpü-Bakı xətti ilə hərəkət edən avtobus qarşıdan gələn VAZ 2106 markalı avtomobillə toqquşub. Sürətini saxlaya bilməyən avtobus avtomobilin üstündən keçib.
Hadisə nəticəsində VAZ 2106-da olan 5 nəfər ölüb. Məlumata görə, avtobusun sürücüsü hadisə yerində həbs edilib.
Faktla bağlı Respublika BDYP-nin istintaq və təhqiqat idarəsində cinayət işi açılıb, araşdırma aparılır. Ölənlərdən 3-nün kişi, 2-nin qadın olduğu bildirilir.
Modern.az
