Moskvanın və Bütün Rusiyanın Patriarxı Kirill və Roma Papası Fransislə görüşəcək.
Modern.az xəbər verir ki, bu barədə Rusiyanın Vatikandakı səfiri Aleksandr Avdeyev Rusiya-İtaliya seminarı zamanı deyib.
“İyun-iyul aylarında Papa Fransis və Patriarx Kirill arasında ikinci görüş hazırlanır, hələlik yer müəyyən edilməyib ”, - Avdeyev bildirib.
Diplomat onu da xatırladıb ki, bundan əvvəl tərəflər arasında ilk görüş 2016-cı ildə Kubada baş tutub.
Fransis keçən il dekabrın əvvəlində Yunanıstan və Kipr səfərindən qayıdarkən jurnalistlərə Patriarx Kirilllə görüşünün gözlənildiyini deyib.
