“Əsgər ölümünə son!” aksiyasında cərimələnənlərə dəstək məqsədilə başladılan “5 qəpik” kampaniyası dünən başa çatıb. Kampaniyanın təsisçilərindən və təşkilatçılarında olan Nərmin Rəhimli Modern.az-a açıqlamasında bildirib ki, aksiya zamanı 13 min manat pul yığılıb.
“Hazırda mətbuata yekun hesabatı vermək üçün xaricdəki tələbələrin bank hesabına köçürməsini gözləyirik. Onların vəsaitini toplanan məbləğin ümumi hesablarına əlavə etmişik, amma pulu bankdan götürməmişik. Çünki həmin köçürmə bir neçə gün müddət alır. Bu gün yəqin ki onları götürüb yekun hesab haqqında məlumat verəcəyik”.
