Modern.az

ANAMA: Britaniya təşkilatının açıqladığı rəqəmlər saxtadır

ANAMA: Britaniya təşkilatının açıqladığı rəqəmlər saxtadır

Aktual

25 Yanvar 2013, 13:14

Britaniya şirkəti “Halo trust”-ın nümayəndəsi Nik Smart erməni mətbuatına açıqlamasında Qondarma Dağlıq Qarabağ Respublikasında minalardan təmizləmə işlərinin davam etdiyini və qarşıdakı 5 il müddətində ərazinin tamamilə minalardan təmizlənəcəyini bildirib. O həmçinin qeyd edib ki, şirkət burada işlərini davam etdirmək üçün Amerika və Britaniyadan maliyyə yardımı almaqda davam edir.

Azərbaycan Ərazilərinin Minalardan Təmizlənməsi üzrə Milli Agentliyin (ANAMA) mətbuat xidmətindən Modern.az-a verilən məlumata görə, Britaniya təşkilatı “Halo Trust”-ın Dağlıq Qarabağda minalardan təmizlənməsi ilə bağlı səsləndirdiyi fikirlər və rəqəmlər qondarmadır və reallığı əks etdirmir. Qeyd edilib ki, məsələ ilə bağlı ANAMA tərəfindən dəfələrlə şikayətlər edilib. “Bizim o təşkilatla heç bir əlaqələrimiz yoxdur və onların fəaliyyəti reallığı əks etdirmir. Hər kəsə ANAMA-nın fəaliyyəti məlumdur. Eyni zamanda onlar bizimlə heç bir razılıq əldə etmədən bu işləri görürlər”.  

Aytən Əliyeva

 
Youtube
Kanalımıza abunə olmağı unutmayın!
Keçid et
SON DƏQİQƏ! Türkiyəyə uçan Rusiya təyyarəsində bomba həyəcan