Zimbabve parlamentdə və idarəetmə orqanlarında yerlərin 50 faizini qadınlara verməklə dünyada ilk ölkə ola bilər. Modern.az-ın xarici KİV-lərə istinadən verdiyi məlumata görə, bununla bağlı hökumətə yeni Konstitusiya layihəsi təqdim edilib. Müzakirəyə təqdim edilən sənəddə bildirilir ki, dövlət hər iki cinsin bərabər şəkildə dövlət qurumlarının bütün səviyyələrində təmsil olunmasını təmin etmək üçün zəruri olan mümkün hüquqi tədbirləri görməlidir.
Sənəddə o da qeyd edilir ki, qadınlar parlamentdə komissiya üzvlərinin ən azı yarısını təşkil etməlidir. Yeni Konstitusiyanın ümumxalq səsverməsinə - referenduma təqdim edilməsi fevral ayında gözlənilir. Hazırda Zimbabve Milli Məclisində qadınlar 15% təşkil edir.
Elçin AĞAYEV
