Arxiv
28 Dekabr 2018, 16:43 | DİASPOR
Milli Məclis, Xarici İşlər Nazirliyi və Diaspor Komitəsi - Xaricdə ən böyük uğur platforması

Bəzən bir neçə günlük xaricdə səfərdə olanda Vətən həsrətini daha dərindən duyursan. İnsanı qəribə darıxmaq hissi bürüyür. Bu mənada xaricdə yaşayan soydaşlarımız Vətən həsrətini daha dərindən yaşayır.          

Demək ki,  xaricdəki həmvətənlərimizin hər vaxt  birgə addımlaması çox önəmlidir. Nə yazıqlar ki, uzun illər diaspor təşkilatlarımız bir çox hallarda pərakəndə formada  fəaliyyət göstərib. Biri-birlərinin işinə dırnaqarası yanaşıblar. Üstəlik bir çox ölkələrdə diplomatik nümayəndəliklərimizlə diaspor təşkilatlarımız arasında gərginlik yaşanıb. Hətta mətbuat səhifələrində biri-birinin ünvanına heç də xoş olmayan iddialarla yadda qalıblar.

Amma heç olmasa xalqımız, dövlətimiz, milli maraqlarımız naminə bu kimi halların aradan qalxması çox vacibdir. Nə yaxşı ki, indi qeyd edilən neqativlər barədə söhbət düşəndə keçmiş zamanda  danışırıq.

Diasporla İş üzrə Dövlət Komitəsində son struktur islahatlarından sonra demək olar ki, təşkilatlararası gərginlikdən tutmuş səfirliklərlə olan soyuqluğa qədər bir çox problemlər aradan qaldırıldı.

Görünən odur ki, ölkəmiz naminə artıq Dövlət Komitəsi, Xarici İşlər Nazirliyi və Milli Məclisin parlammentlərarası əlaqələr üzrə işçi qrupları birgə yola çıxıblar.



Azərbaycanın sabiq xarici işlər naziri, politoloq Tofiq Zülfüqarov düşünür ki, elə bu cür də davam etmək lazımdır:


“Soydaşlarımızın koordinasiya olunması çox önəmlidir. Bu istiqamətdə səylərimizi davam etdirməliyik. Çünki elə təşkilatlar var ki, hansısa qüvvələrin təsiri altındadır. Hər halda, konfliktləri də kimsə arzulamır. Soydaşlarımızın koordinasiya olunmasının müsbət tərəfləri var. Bu zaman təşkilatlar koordinasiya olunmuş formada təşkilatlansalar, onların eyni rəhbərə yönəlməsini görsələr, komitə ilə bir mövqedən çıxış etməyin vacibliyini dərk edəcəklər. Zaman-zaman komitə və təşkilatlar ayrı-ayrı mövqedə olublar. Bunun da müsbət tərəfləri yoxdur. Çünki soydaşlarımız bərabər addımlamağı öyrənməlidir. Artıq bir çox ölkələrdə Koordinasiya şuralarına rast gəlmək mümkündür.  Ona görə də Diaspor Komitəsinin, Xarici İşlər Nazirliyinin və Milli Məclisin beynəlxalq fəaliyyətinin bir araya gəlməsi çox sevindiricidir. Təsəvvür edin: soydaşlarımızın qeydinə 3 qurum birdən qalacaq. Bu işə könüllü şəkildə başlanılıb. Belə də davam etmək lazımdır”.


Diasporla İş üzrə Dövlət Komitəsinin beynəlxalq əlaqələr və protokol şöbəsinin müdiri Vüqar Məmmədov deyir ki, əvvəllər diaspor təşkilatları nəinki səfirliklərlə, heç bir-biri ilə yola getmirdi, hətta birgə tədbir keçirmirdilər:

“Bəzən olub ki, niyyət yaxşı olsa da, eyni şəhərin müxtəlif yerlərində Novruz  bayramı, yaxud da Xocalı soyqırımı tədbiri təşkil olunub. Bu da diaspor təşkilatlarının arasında əlaqələrin olmadığını göstərirdi. 2018-ci ilin əvvəlində Dövlət Komitəsində dəyişiklikdən sonra məsələlər fərqli formada inkişaf etməyə başladı. Bütün diaspor təşkilatları bir araya gətirildi. Üstəlik təkcə diaspor fəaliyyəti ilə məşğul olanları deyil, xaricdə oxuyan tələbədən tutmuş orada yaşayan yaşlı insanlara qədər bütün azərbaycanlılar  bir araya gətirildi. Xüsusilə, bir çox xarici ölkələrdə yaradılan Koordinasiya şuraları da birləşmədə böyük rol oynadı.

Milli Məclisin parlamentlərarası əlaqələr üzrə işçi qrupları da bu məsələdə aktivdir. Çünki azərbaycanlılar yaşadıqları ölkələrin siyasi proseslərində də yaxından iştirak edirlər. Ona görə də Xarici İşlər Nazirliyi, Diasporla İş üzrə Dövlət Komitəsi və Milli Məclisin işçi qrupları birgə addımlamağa başlayıb. Artıq XİN və Dövlət Komitəsi arasında əməkdaşlıq haqqında razılaşmaya uyğun olaraq, Azərbaycan Respublikasının xarici ölkələrdə fəaliyyət göstərən bütün diplomatik nümayəndəliklərinə birgə fəaliyyətlə bağlı müvafiq məktub göndərilib. Bu istiqamətdə digər əlaqələndirmə tədbirlərinin həyata keçirilməsi də gündəlikdə duran məsələlərdəndir. Azərbaycanın həqiqətlərinin təbliği, mədəniyyətinin  tanıdılmasında hər bir qurumun öz  rolu var: XİN icra orqanını təmsil edir, , Diasporla İş üzrə Dövlət Komitəsi birbaşa azərbaycanlılarla işləyir, Milli Məclis isə həmin ölkələrin siyasətçiləri ilə çalışır. Ona görə də üçlüyün birgə ideyasını alqışlayıram. Bilirik ki, “güc birlikdədir”. 3 qurumun birgə fəaliyyəti soydaşlarımızın inkişafına daha yaxşı xidmət edəcək.

Bizim işimiz ölkə rəhbərliyinin qarşıya qoyduğu siyasəti həyata keçirməkdir və buna borcluyuq”.


Milli Məclisin Beynəlxalq münasibətlər və parlamentlərarası əlaqələr komitəsinin sədr müavini, deputat  Sevinc Fətəliyeva da hər üç qurumun birgə fəaliyyətinin müsbət cəhətlərindən danışıb:


“Hər bir məsələdə olduğu kimi, bu işdə də birlik olsa, böyük nailiyyətlər əldə etmək mümkündür. Sadəcə, hər bir təşkilat müəyyən istiqamətdə fəaliyyət göstərir. Parlament səviyyəsində işçi qrupları  digər ölkələrin parlamentariləri ilə sıx əməkdaşlıq edərək, dövlətimizin maraqlarını dünyaya  çatdırır. Düşünürəm ki, bu formada xeyli işlər görülür. Bu istiqamətdə parlamentin fəaliyyəti çox yüksək qiymətləndirilməlidir. Məsələn, bu il parlamentin 100 illiyinin keçirilməsini cənab Prezident İlham Əliyev xüsusi qeyd etdi. Yubiley tədbirində dünyanın müxtəlif parlamentlərindən təşrif  buyuran dostlarımız, işçi qruplarının rəhbərləri, üzvləri Azərbaycana gələrək, böyük tarixi bayramda iştirak etdilər. Bu da  işçi qruplarının birgə fəaliyyətinin uğurlu olmasının bariz nümunəsidir. Diaspor təşkilatlarının fəaliyyətinə gəldikdə isə hansı ölkədə yaşamasından asılı olmayaraq,  hər bir azərbaycanlının ürəyi Azərbaycanla döyünməlidir. Təbii ki, xaricdə yaşayan hər bir azərbaycanlının fəaliyyətinin əsas istiqaməti dövlətini, vətənini təbliğ etməkdir. Əsas da, Azərbaycanı narahat edən, xüsusilə, Dağlıq Qarabağ məsələsini dünyaya çatdırmaqdır. Düşünürəm ki, bu istiqamətdə dövlət tərəfindən ciddi iş aparılır. Burada mütləq Heydər Əliyev Fondunun fəaliyyətini qeyd etmək lazımdır. “Xocalıya ədalət” kampaniyası bütün dünyada səs salıb. Bu layihədə, bu işdə  hər bir azərbaycanlının fəaliyyəti çox önəmlidir. Çünki bir milyondan artıq məcburi köçkünümüz var ki, onların işğal zamanı hansı dəhşətlərlə üz-üzə qaldığından bütün dünya agah olmalıdır. Xaricdə müxtəlif təşkilatlar mövcuddur. Onların arasında ən əsası sağlam rəqabətin olmasıdır. Rəqabət sağlam aparılanda və uğurlu nəticələr verəndə faydalıdır. Nə qədər faydalı fəaliyyətlə məşğul olarıqsa, bunun dövlətimiz üçün nəticəsi də uğurlu olar. Ən əsası birgə fəaliyyətimizi gücləndirməliyik. Bu zaman daha böyük uğurlarımızın olacağı qaçılmazdır”.


Belçika-Hollandiya Koordinasiya Şurasının əlaqələndiricisi, EuroAzNL cəmiyyətinin sədri  Emil Əliyev də 3 qurumun birgə fəaliyyətindən çox şeylər gözlədiyini bildirib:

“Diaspor Komitəsindəki son dəyişiklikdən sonra xeyli irəliləyiş nəzərə çarpır. Artıq Diaspor Komitəsinin müasir saytı, TV-si, radiosu  yaradılıb, yeni ideyalar dəstəklənir, diaspor fəalları və təşkilat rəhbərlərinə əməkdaşlıq təklif olunur. Hər bir diaspor fəalının fikirləri, layihələri nəzərə alınır. Koordinasiya şuralarının da fəaliyyəti müsbətdir. Düşünürəm ki, səfirliklərimizlə diaspor fəallarının birgə addımlaması çox yaxşı nəticələr verəcək. Əvvəllər təşkilat rəhbərləri ilə səfirlik arasında müəyyən boşluq vardı. Son təyinatdan sonra bu boşluq da yavaş-yavaş aradan qalxmağa başlayıb. Çünki xaricdə yaşayan azərbaycanlıların birləşməsi çox önəmlidir. Bu işə  Milli Məclisin parlamentlərarası işçi qruplarının da qoşulması uğurlu hadisədir. Çünki 3 qurum birgə formada xaricdə yaşayan azərbaycanlılara xidmət göstərəcək. Hər halda, uğurlu nəticələr gözləyirik”.

 

BU KATEQORİYADAN OLAN DİGƏR XƏBƏRLƏR
+ Arxiv
“Barselona” səfərdə xal itirdi 1 Noyabr 2020, 01:54 Pep Qvardiola “Barselona”ya qayıdır? 1 Noyabr 2020, 01:46 Cəbhə gündəliyi: 31 oktyabrda nələr oldu... 1 Noyabr 2020, 01:40 Gəncədə evdən kişi meyiti tapıldı 1 Noyabr 2020, 00:59 10 yaşlı braziliyalıdan Azərbaycan ordusuna dəstək - FOTO 1 Noyabr 2020, 00:48 Dünyada bir gündə rekord sayda yoluxma baş verdi 1 Noyabr 2020, 00:41 Avropanın bu ölkəsində də karantin elan edildi 1 Noyabr 2020, 00:29 Bakılı Olimpiya çempionu Almaniyada baş məşqçi təyin olundu 1 Noyabr 2020, 00:15 Paşinyan bu gecə Şuşa Qalasından yerə çırpılmış olacaq 1 Noyabr 2020, 00:07 Abşeronda 11 yaşlı uşaq bıçaqlandı 1 Noyabr 2020, 00:01 İranda yenidən karantin rejimi tətbiq olunacaq 31 Oktyabr 2020, 23:53 İzmirdəki zəlzələdə ölənlərin sayı artdı - YENİLƏNİB 31 Oktyabr 2020, 23:41 İngiltərədə bir aylıq karantin elan edildi 31 Oktyabr 2020, 23:38 “Siz başa düşmürsünüz ki, vay bizim halımıza?!” - Levon Ter-Petrosyan 31 Oktyabr 2020, 23:20 Baş Prokurorluğun cinayət işi açdığı separatçı Gürcüstan vətəndaşlarını döyüşə çağırır - FOTO 31 Oktyabr 2020, 23:04 Ermənistan ərazisinin atəşə tutulması xəbəri tamamilə yalandır - Müdafiə Nazirliyi 31 Oktyabr 2020, 22:48 Soydaşlarımız Gürcüstandakı seçkilərdə aşağı fəallıq göstərdilər 31 Oktyabr 2020, 22:46 “Paşinyanın məntiqsiz davranışı hər gün daha çox qurbanlara səbəb olur” 31 Oktyabr 2020, 22:35 “Vətəndaşlara dəyən bütün maddi ziyan dövlət tərəfindən ödəniləcək” 31 Oktyabr 2020, 22:21 “Qalatasaray” 3-cü pilləyə yüksəldi 31 Oktyabr 2020, 22:11 “Gürcüstanda hakimiyyət dəyişir” - Saakaşvili 31 Oktyabr 2020, 22:00 Ərdoğanın sözçüsü koronavirusa yoluxdu 31 Oktyabr 2020, 21:50 Əlcəzair milli bayramını qeyd edir 31 Oktyabr 2020, 21:39 Türkiyədən “Şarli Hebdo”ya ETİRAZ: “İki milyarda yaxın müsəlmana hörmətsizlikdir” 31 Oktyabr 2020, 21:28 Müdafiə Nazirliyi nümunəvi minaatanlarımızın görüntülərini yaydı - VİDEO 31 Oktyabr 2020, 21:09 Ərdoğan zəlzələ bölgəsinə getdi 31 Oktyabr 2020, 21:02 “Gürcü Arzusu” qələbəsini qeyd edir 31 Oktyabr 2020, 20:55 İstanbulda “Qarabağ Azərbaycandır” deyildi - FOTO 31 Oktyabr 2020, 20:48 “Karikaturaların dərc edilməsinin tərəfdarı deyiləm” - Makron 31 Oktyabr 2020, 20:39 Şotlandiyada Ermənistanın müharibə cinayətlərinə qarşı etiraz aksiyası keçirilib - FOTO 31 Oktyabr 2020, 20:27 Azərbaycanlı şirkət rəhbəri “McDonald’s”a görə xalqı təhqir edir - FOTO 31 Oktyabr 2020, 20:01 İşğaldan azad edilən ərazilərdə sosial müdafiə proqramları icra olunacaq - Nazir 31 Oktyabr 2020, 19:56 Atan Heydərin çörəyi, anan Zərifə xanımın südü sənə halal olsun!!! 31 Oktyabr 2020, 19:51 Ermənistanın qadağan olunmuş silahdan istifadə etməsinə qarşı QHT-lərin BƏYANATI 31 Oktyabr 2020, 19:47 Vaaqn Çaxalyan barəsində beynəlxalq axtarış elan edilib 31 Oktyabr 2020, 19:27