İspaniya millisinin və “Barselona”nın sabiq yarımmüdafiəçisi Xavi Hernandez karyerasını bitirib.
Modern.az xəbər verir ki, əfsanəvi futbolçu ötən gün sonuncu oyununu keçirib
39 yaşlı oyunçu Asiya Çempionlar Liqasında “Əl-Sədd”in heyətində “Persepolis”lə (0:2) qarşılaşmada axırıncı dəfə meydana çıxıb. Onun bundan sonra Qətər təmsilçisində məşqçi kimi çalışması gözlənilir.
Xavi 2000-2014-cü illərdə “Barcelona”nın heyətində 767, İspaniya yığmasında isə 133 oyunda iştirak edib. O, 8 dəfə İspaniya La Liqasının, 3 dəfə İspaniya Kral Kubokunun, 6 dəfə isə Superkubokunun qalibi olub. Xavi eyni zamanda 4 qat Çempionlar Liqası, 2 qat UEFA Superkuboku və 2 qat Klublararası Dünya Çempionatı qalibidi.
Futbolçu İspaniya millisinin heyətində 2010-cu ildə dünya, 2008 və 2012-ci ildə isə Avropa çempionatını qazanıb.