Arxiv
20 Avqust 2019, 17:54 | ƏDƏBİYYAT
Qala Adam

Türkan TURAN

Bəzən çoxlu pula, hər cür imkana, aşıb-daşan diqqətə, insan selinə yox, bircə nəfərə ehtiyac duyursan. İstəyirsən ki, səni duyan, hiss edən, anlayan, dinləyən bir insan aydın, təmiz düşüncəsi ilə yanında olsun. O adam sevgili, ailə üzvü yox, yalnız dost ola bilər. Sadaladığım xüsusiyyətləri özündə cəmləşdirən belə bir dostum var. Elə məqamda yetişir, elə anda özünü çatdırır ki, heyrətdən mat qalıram. Fərqi yoxdur, dünyanın harasındadır, Xətaidə də, Yasamalda da, Masazırda da, İsmayıllıda da, Almaniyada da, Rusiyada da, lap elə Ankaranın ortasında da olsa, heç nə dəyişmir. Həmin an ruh halının, psixoloji durumunun bərbad olduğu sanki ona vəhy kimi qeybdən gedir. Bir də görürsən, ya zəngi gəlir, ya mesajı. Qəflətən diksinirsən, hətta oğrun-oğrun ətrafına da boylanırsan. Sənə elə gəlir ki, əvvəlcə kənardan izləyib, nə vəziyyətdə olduğunu bildikdən sonra axtarıb.

O, həmişə belədir. Suallarla boğuşanda, dərdlərlə canbaza çıxanda, gözünün yaşı dinməyəndə özünü çatdırır. Bəzən yerə çırpılaraq yıxılırsan. Hiss edirsən ki, öz gücünlə qalxa bilməyəcəksən, yardım edən də olmayacaq. Bir də görürsən, Tanrı qolu kimi uzanan əlləri artıq səndən yapışıb. Əslində, yolu ordan keçmir, heç səmti də deyil, amma başının bəlada, ruhunun darda olduğunu hiss etdiyi üçün gəlir. Qolundan tutub ayağa qaldırır, yaranı sarıyır, gözünün yaşını silir, ümid, güc verib gedir!

Axşamlar Ağ Şəhər bulvarında qaçıram. Orada velosiped, rolik sürməyi öyrənən gənclərlə tez-tez qarşılaşıram. Deməli, sürməyə çalışırlar, amma təkbaşına edə bilmirlər. Bu istidə ailə üzvləri “məndən tut, qorxma, rahat ol” deyə-deyə onlarla birlikdə aşağı-yuxarı qan tərə bata-bata hərəkət edirlər. Bir neçə gün sonra gəlib görürəm ki, öyrədən kənardan baxır, öyrənənlər isə sərbəst şəkildə ortalıqda şütüyürlər. Bax, o da eyni ilə belə edir. Pedala basmağı, yerində möhkəm dayanmağı, ziqzaq deyil, düz yoldan getməməyi öyrədir. Yıxılmağa qoymur. Ayaqda dura biləcəyinə tam əmin olduqdan sonra əlini çəkir və kənardan yaratdığı mənzərəni seyr edir.

Adama badalaq vurub, yoluna daş atıb, qıraqdan danışıb, "mız" qoyub, ağız əyməyə, gözdən salmağa nə var ki? Bunu hamı bacarar... Əsl güc ona deyirəm ki, "mən sənə güvənirəm", "bacaracaqsan", "edəcəksən" deyəcək qədər böyük olsun. Məsələn, elə biri mən... Hansı fikirlə üstünə getdimsə, mesaj yazdımsa, hər dəfə yuxarıda sadaladıqlarımı dedi. Qulağına pıçıldanan dedi-qodulara gülüb keçdi. Fikrini haçalamaq istəyənlərə əhəmiyyət vermədi. Kimin mahiyətinin nə qədər olduğunu açıb önümə sərdi. Həmişə üzümü çevirdiyim yerdə oldu, 11 il əvvəl harda idisə, elə orada. Mənimlə birlikdə güldü, birlikdə kədərləndi. Uğuruma ən azı mənim qədər şad oldu. O sevincin kökündə kölgə olmadı, şübhə duymadım. Təbəssümünün altında ilan sürüsü dolaşmadı, inciyəndə belə gözlərinin içində əqrəb kini gəzmədi. Əksinə, qüvvətli sərkərdə kimi yetişdirdi. Atılan nizələrə qarşı qalxanı necə tutmalı olduğumu öyrətdi. Pusqu qurulan səmtlərin yerini dedi, minalanmış əraziləri əvvəlcədən işarələdi, ayağımı basmayım deyə.

Fil boyda üstünə getdiyim söhbətləri qarışqaya çevirərək ovucumun içinə qoydu. Hadisəni minimallaşdırmağı, dağ kimi görməməyi, yeri gələndə üstündən, lazım olanda yanından keçib gedə bilməyi öyrətdi.

Təkcə mənəmi belə oldu? Yox! Qışın ortasında kimin həyatına toxundusa, oranı bahara çevirdi. Cəngəlliyə bənzəyən insanları abad etdi. Yanındayam, arxandayam, səninləyəm deməyinə rəğmən dönük çıxanları çox oldu. “Kəsin atın” söyləyəndə bir şans verilməli olduğunu, “silib tullayın” deyəndə bu qədər kəskin davranmağa gərək olmadığını dedi. Həmişə böyüklüyünü göstərdi. Bağışlanmaz sandıqlarımızı əfv etdi. Özünü qatı cinayətkar kimi aparanlarla dünyanın ən məsumu kimi davrandı. Əməllərini, etdiklərini heç vaxt hərləyib-fırlayıb önünə qoymadı. Susmağı da bildi, susqunluğu ilə danışmağı da.


Hər kişinin bacara bilmədiyini etdi, qadınlarla dost oldu. Elə ilk görüşdəcə onların güvənini qazandı. İçi mən qarışıq, hər birimiz özümüzə belə etiraf edə bilmədiklərimizi ona danışdıq. İçimizə sığmayan sirlərimizi ona təslim etdik. Daş insanlardan qaçıb ona - qala kimi adama sığındıq. Çünki yanıltmayacağını, peşman etməyəcəyini həmişə yaxşı bildik!..

Bir neçə gün əvvəl Cavanşir körpüsünün üstündən keçirdim. Axşam saatları olduğu üçün sıxlıq idi. Saat təxminən 20:00 radələri idi. Qaranlıq hələ çökməmişdi. Beynim min fikirlə məşğul idi. Birdən dərin boşluq hiss etdim, sonu görünməyən bədbinlik üzərimə çökdü. Hara, nədən dolayı gedirdim - bunu da bir anlıq yadımdan çıxarmışdım. Həmin vaxt telefona gələn mesajın səsi məni uzaqlardan, boşluqdan dartıb özümə gətirmişdi. Yenə onu soruşurdular, yenə kökünü eşələyirdilər. Yenə narahat ruhlar, gərgin vücudlar, bitməyən maraqlar, yenə qısqanclıqlar... Yenə 11 il ərzində eşitdiyim sualları verirdilər. Yenə... yenə... yenə..! İlahi, doğrudan da 11 il olub?! Hə, elə bu ərəfələrdə 11 ili tamamladıq.

Bu illər ərzində mən bulandım, o durultdu, mən çağladım, o sakitləşdirdi. Həyatım ondan əvvəl, ondan sonra oldu, eynən eradan əvvəl və bizim era kimi... Onu tanıyandan düz bu günə qədər bu sehirli şifrəni sıfırlamaq istəyən o qədər insan oldu ki... Bu günə qədər oxuduğum ən gözəl canlı kitabdır. Bitmir, tükənmir! Hər səhifəsini daha böyük maraqla, həyəcanla açıram. Heç bir səhifəsi o birinin təkrarı deyil. Təkbaşına bir dünyadır. Enerjisi ilə rəng verir, gülüşü ilə işıq saçır. Qatıldığı tədbirlər, iclaslar, mərasimlər... - getdiyi hər yerin atmosferini dəyişir. 

O, kimin həyatında varsa, heç nə olmaqdan hər şeyə olmağa bir göz qırpımında keçid mümkündür. Çünki sıfırı yüz, yüzü min edən tək-tək insanlardandır. Onu nə qədər çox istədiyimi bilmirəm. Bircə onu bilirəm ki, bu sevginin ucu-bucağı görünmür. Ruhum qapqaranlıq olduğu məqamlarda adı gələndə aydınlanıram. Cavanşir körpüsünün üstündəki kimi. Yeganə insandır ki, “gəl” deyəndə sorğusuz-sualsız gedirəm. Saat neçə olur-olsun, 41 dərəcə qızdırmam da olsa, lap iki əlim qanda da olsa... Əgər olmasaydı, bozluq, mənasızlıq, bəsitlik, heçlik tüğyan edərdi. Var olduğu üçün, həyatımın yolgöstərəni olduğu üçün, 55 ilin 11 ili, sirri, sehiri üçün, onu mənə bu qədər sevdirən bütün güclərə minnətdaram.

21 avqust adi tarix deyil, Rəşad Məcidin doğulduğu əziz gündür. Doğuluşu şükür, təşəkkür səbəbidir. Və təəssüf ki, ondan birdənədir. Amma varlığı min ömrə bədəldir.

BU KATEQORİYADAN OLAN DİGƏR XƏBƏRLƏR
+ Arxiv
Bakı, Sumqayıt və İmişlidə silahlı şəxslərə qarşı ƏMƏLİYYAT 14 Avqust 2020, 18:32 Azay Quliyev seçicilərlə videogörüş keçirib     14 Avqust 2020, 18:24 Azərbaycanda təhsil sistemi keyfiyyətcə yeni inkişaf müstəvisinə qədəm qoyub - Deputat 14 Avqust 2020, 18:20 Dollar yeni həftəyə belə başlayacaq 14 Avqust 2020, 18:17 Azərbaycanın dövlət büdcəsində kəsir yarandı 14 Avqust 2020, 18:10 Müdafiə Nazirliyindən ermənilərin “Gəncəni vurarıq” təhdidinə REAKSİYA 14 Avqust 2020, 18:05 Səfir: “Türkiyə ilə Azərbaycanın düşmənləri kimdirsə, baxıb qısqansınlar” – MÜSAHİBƏ 14 Avqust 2020, 17:59 Naqif Həmzəyev: Türkiyənin Minsk Qrupu həmsədrləri sırasına daxil edilməsi ən optimal variantdır 14 Avqust 2020, 17:54 Vahid Əhmədov seçicilərini onlayn qəbul edib 14 Avqust 2020, 17:48 Ceyhun Bayramov Birləşmiş Ərəb Əmirliklərinin Azərbaycandakı səfiri ilə görüşdü 14 Avqust 2020, 17:42 Bərdədə qətl törədən şəxsin cinayət işi məhkəməyə göndərildi 14 Avqust 2020, 17:36 Daha 400 Taliban döyüşçüsü azadlığa buraxıldı 14 Avqust 2020, 17:30 Nazirlik “Qanun” nəşriyyatından video YAYDI 14 Avqust 2020, 17:24 Azərbaycanda daha 103 nəfər koronavirusa yoluxdu - 3 nəfər öldü 14 Avqust 2020, 17:18 ABŞ Venesuelaya gedən İran tankerlərindən yanacağı müsadirə etdi  14 Avqust 2020, 17:12 Türkiyədə axtarışa verilən 2 terrorçu məhv edildi 14 Avqust 2020, 17:11 Kanadada vətəndaşlar baş naziri və hökuməti hədələyirlər 14 Avqust 2020, 17:10 Polisdən vətəndaşlara Məhərrəm ayı və Aşura günü XƏBƏRDARLIĞI 14 Avqust 2020, 17:04 Belarus müxalifəti hakimiyyəti təhvil almaq üçün Koordinasiya Şurası YARATDI 14 Avqust 2020, 16:58 Əli Əsədov yeni vəzifəsində ilk tapşırığını verdi 14 Avqust 2020, 16:52 Oqtay Şirəliyev xaricdən gələn həkimlərlə görüşdü 14 Avqust 2020, 16:46 DİN-dən Şahbaz Xuduoğlunun iddialarına CAVAB 14 Avqust 2020, 16:40 15 kiloqram narkotik vasitə qanunsuz dövriyyədən çıxarıldı - FOTOLAR 14 Avqust 2020, 16:34 Tələbələrin köçürülməsi qaydası açıqlandı 14 Avqust 2020, 16:28 Sayğaclara müdaxilə etmək mümkündür? - "Azərişıq"dan açıqlama 14 Avqust 2020, 16:22 “İtaliya mətbuatında ermənilərin növbəti yalanları ifşa olunub”  14 Avqust 2020, 16:16 Nişan mərasimi keçirənlərin işi məhkəməyə göndərildi 14 Avqust 2020, 16:10 13 erməni öldü, 300-dən çoxu yaralandı - RƏSMİ 14 Avqust 2020, 16:04 Azərbaycanda yüksək vəzifəli məmur işdən çıxarıldı 14 Avqust 2020, 16:03 Tələbələrin köçürülməsinin vaxtı açıqlandı   14 Avqust 2020, 15:58 İstixana sahiblərinin problemləri müzakirə olundu 14 Avqust 2020, 15:53 Avropa İttifaqı Belarusa qarşı sanksiyaları müzakirə edəcək 14 Avqust 2020, 15:50 Düşmənin məqsədi üçüncü tərəfləri Ermənistan-Azərbaycan münaqişəsinə cəlb etməkdir   14 Avqust 2020, 15:44 Avropaya qaçqın kimi gələn gəncdən nümunəvi addım 14 Avqust 2020, 15:38 İlham Əliyev Azərbaycanın milli maraqlarını qətiyyətlə müdafiə edir - Malik Həsənov 14 Avqust 2020, 15:32