***
Plana uyğun olaraq gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin pilotu polkovnik-leytenant Rəşad Atakişiyevin Silahlı Qüvvələrin Təlim və Tədris Mərkəzində vida mərasimi keçirilir.
Bu barədə Modern.az-a Müdafiə Nazirliyindən məlumat verilib.
***
Bu gün səhər saatlarından Azərbaycan Hərbi Hava Qüvvələrinin qəzaya uğramış MiQ-29 təyyarəsinin pilotu, polkovnik-leytenant Rəşad Atakişiyevlə vida mərasimi keçirlir.
Modern.az saytı xəbər verir ki vida mərasimi Silahlı Qüvvələrin Təlim-Tədris Mərkəzində təşkil olunub.
Vida mərasimi başa çatandan sonra – günorta saatlarında R.Atakişiyevin cənazəsi II Fəxri Xiyabanda dəfn olunacaq.
Rəşad Atakişiyev 1984-cü ilin yanvarın 7-də doğulub. O, Heydər Əliyev adına Hərbi Akademiyada təhsil alıb.
Azərbaycan Hərbi Hava Qüvvələrinin MiQ-29 təyyarəsi iyulun 24-də gecə təlim-məşq uçuşu keçirən zaman qəzaya uğrayaraq, Xəzər dənizinə düşüb. Bir neçə günlük axtarışlardan sonra öncə təyyarənin qalıqları və “qara qutu”su tapılıb.
Dünən isə pilot Rəşad Atakişiyevin nəşi sudan çıxarılıb.