Arxiv
16 Sentyabr 2019, 16:20 | MƏDƏNİYYƏT
Azərbaycanda yeni “ənənə”: gənc qızlarla yaşlı kişilərin evlənməyi - Doğrudan yaşın fərqi yoxdur?..

Son zamanlar bir tendensiya müşahidə olunmaqdadır. Bəzi yaşlı kişilər özlərindən xeyli gənc qızlara elçi düşürlər. Ya da əksinə, hansısa gənc qız az qala atası yaşda kişiyə vurulur, sonra da ona ərə gedir. Nə baş verir?
Artıq sanki gənc qadınların yaşda özlərindən dəfələrlə böyük kişilərlə münasibət qurmaları bir ənənəyə çevrilib. Bunu sevgi adlandıraq, yoxsa şəxsi maraqlar? Bir reallıq var, o da artıq belə halların insanlara adi gəlməsidir. 

Belə faktlar Ədliyyə Nazirliyinin qeydə aldığı nikahların rəsmi statistikasında da əks olunur.

“Mən özüm bu məsələyə iki aspektdən baxıram. Maddi maraqlar üzrə qurulmayıbsa, bunu normal qarşılayıram, ancaq ortada sevgidən başqa hər şey varsa, çox iyrənc baxıram. Əgər münasibətlərdə mənəvi dəyərlər əsas rol oynayırsa, orada bir ahənglik yaranır. Ancaq maddi dəyərlər ön plandadırsa, o zaman gərginlik qaçınılmazdır”.


Bunu sosioloq Əhməd Qəşəmoğlu Modern.az-a məsələ ilə bağlı danışarkən söyləyib:


“Birmənalı şəkildə deyə bilmərik ki, gənc qadınlar ancaq pula görə bu addımı atırlar. Əsas odur ki, stereotiplər dəyişib. Bir vaxtlar Azərbaycanda qızlar zənci, ərəb görəndə qorxurdular. İndi isə tamam əksinədir. Ərəblərə, zəncilərə ərə gedənlər də var. Niyə? Çünki, pulları çoxdur. Amma bunu hər kəsə şamil etmək olmaz. Tarix göstərib ki, gənc xanımlar yaşlı kişilərə, yaxud əksinə, yaşlı kişilər gənc xanımlara vurula bilərlər. Bu, təbii haldır. Misal olaraq, Rafiq Hüseynovu göstərə bilərəm ki, öz tələbəsinə aşiq olmuşdu və aralarında ciddi yaş fərqi vardı. Vaqif Səmədoğlu və xanımı Nüşabə xanım arasında da yaş fərqi çox idi.  Hacıbaba Bağırovla xanımı arasında da həmçinin, çünki sevgi yaşa baxmır”.


Əhməd Qəşəmoğlu deyir ki, gənc qızlara öz həmyaşıdları sevimli görünmür:

 

“Gənc xanımların psixologiyasına diqqət yetirək. Onlar elə düşünürlər ki, yaşlı kişilərin dünyagörüşləri daha genişdir, lakin tay-tuşları həm kasıb, həm də dar düşüncəlidirlər. Ona görə də gənc xanımlar özlərindən qat-qat böyük kişilərə meyl edirlər ki, onların iqtisadi vəziyyəti yaxşıdır. Təəssüf ki, indi bir çoxları sevgi hissi ilə yox, şəxsi maraq üçün yaşlı kişilərə üstünlük verirlər. Əsas məqsəd problemlərini həll etməkdir. Bu, ondan irəli gəlir ki, indiki insanların fikirləri də dəyişib. Məsələn, gənc qız imkanlı, yaşlı biri ilə ailə qurursa, onu sevərək ailə qurmur. Öz karyerasını qurur, o, kişini özünə bir köməkçi kimi görür. Bilir ki, nə istəsə əldə edəcək”.

 

Azərbaycan Yazıçılar Birliyinin üzvü, prezident təqaüdçüsü Türkan Turan isə sevgini fiziki deyil, ruhi bir olay adlandırır:


“Qarşımızdakı insandan hər kəsin ümidini kəsməsi, bizim onu sevməyimizə əngəl törədə bilməz. Ziddiyətli insanların böyük sevgiləri ilə bağlı nə qədər örnək göstərmək olar. Türkiyədə tanıdığım bir həkim  qadın var. Xərçəngdən əziyyət çəkir. Deyərdim ki, çox sayda əməliyyatlar keçirib, hazırda da ağrılarla mübarizə aparır. Ancaq uzun illərdir ki, yatağa bağlı olan, sadəcə göz qapaqları açılıb-bağlanan həyat yoldaşından imtina etmir. Bax əsl sevgi budur. Amma pul naminə təkcə qoca və gəncin deyil, hər yaşda olan insanların münasibəti əxlaqsızlıqdır. Xahiş edirəm, adına eşq deyərək, bu ali hissi kiçiltməyək”.


Türkan Turan cəmiyyətdə formalaşmış bir fikirə də münasibət bildirib:


“Hesab edirlər ki, insan bəlli bir yaşa gələndə həyatdan əlini üzüb, təqaüdə çıxıb, ölümünü gözləməlidir. Çoxumuz bunu çərçivəyə çevirib, beynimizin ortasından asırıq. Sonra da  baş verənlərə o dar yerdən boylanaraq baxırıq. Məhz buna görə də rahatlıqla kimisə ittiham edib, onu qınayırıq. Qəbul etmək istəmirik ki, hər şey göründüyü kimi olmur, bəzən toxunaraq hiss etmək lazımdır. Yaşın önəmi yoxdur, insan son nəfəsinə qədər sevə bilər. Heç kim bu duyğuya nə sərhəd, nə də çərçivə təyin edə bilər. Amma təbii ki, sevgi ilə əlaqəsi olmayan münasibətlər də yox deyil. Üzeyir Hacıbəyovun “O olmasın, bu olsun”unda qızı Məşədi İbada nəyə görə verirlər? Çünki val-dövləti var idi. Görünür, bu  fikir indi yox, lap əvvəllərdən var imiş”.

BU KATEQORİYADAN OLAN DİGƏR XƏBƏRLƏR
+ Arxiv
Azərbaycan İranla sərhədi BAĞLADI 29 Fevral 2020, 15:30 AZAL Bakı-Tehran reysini məhdudlaşdırdı 29 Fevral 2020, 15:13 Azərbaycanda daha iki nəfərdə koronavirus aşkarlandı - RƏSMİ 29 Fevral 2020, 15:00 Paşinyanın “Qarabağ Azərbaycanındır” deməsi Niderlandda erməniləri çaşdırdı 29 Fevral 2020, 14:44 Bakıda narkotacirlər saxlanıldı - FOTO 29 Fevral 2020, 14:38 İran parlamenti koronavirusa görə iclas keçirməyəcək: 43 ölü, 593 yoluxma 29 Fevral 2020, 14:29 “5 il əvvəlki Əfqanıstan deyilik” – Əşrəf Qani “Taliban”ı hədələdi 29 Fevral 2020, 14:18 Moldovanın spikeri Azərbaycan səfirinə martişor hədiyyə etdi 29 Fevral 2020, 14:08 Nazirlərin rayonlarda qəbul cədvəli AÇIQLANDI 29 Fevral 2020, 13:59 Türkiyənin İdlibdə verdiyi şəhid sayı 36-ya çatdı 29 Fevral 2020, 13:48 Mağazalardan brend geyim əşyaları oğurlayan şəxs saxlanıldı 29 Fevral 2020, 13:45 Bakı Ali Neft Məktəbi PAŞA Bankla əməkdaşlığa başladı 29 Fevral 2020, 13:38 Sabahın hava proqnozu - güclü külək, yağış, qar... 29 Fevral 2020, 13:25 Müsavat başqanı da Prezident Administrasiyasına ÇAĞIRILDI 29 Fevral 2020, 13:14 Yol qəzalarında 3 nəfər öldü 29 Fevral 2020, 13:04 Polis qadağan olunmuş yerlərdə siqaret çəkənləri CƏRİMƏLƏYİR 29 Fevral 2020, 12:59 DGK və DİN birgə əməliyyat keçirdi 29 Fevral 2020, 12:42 Telefondan asılmaq, informasiya bolluğu huşsuzluq yaradır - PROBLEM 29 Fevral 2020, 12:35 Ali Məhkəmə Hüseyn Abdullayev və anasının şikayətinə baxacaq 29 Fevral 2020, 12:22 Azərbaycan neftinin qiyməti bir qədər də ucuzlaşdı 29 Fevral 2020, 12:08 Gürcüstanda koronavirusa görə karantinə alınanların sayı artdı 29 Fevral 2020, 12:00 DTX yüksək vəzifəli məmurları rüşvətə görə saxladı 29 Fevral 2020, 11:54 İlqar Məmmədov Prezident Administrasiyasının şöbə müdiri Ədalət Vəliyevlə görüşüb 29 Fevral 2020, 11:45 Bakıdan Ankaraya uçan təyyarə yarı yoldan QAYITDI 29 Fevral 2020, 11:36 İran parlamentinin yeni deputatı virusdan öldü 29 Fevral 2020, 11:22 Martda 15 gün iş olmayacaq 29 Fevral 2020, 11:10 Goranboyda adam öldürən polis zabitinin məhkəməsi başladı 29 Fevral 2020, 11:02 “Unudulmaz səslər” - “Cahargah”ın bənzərsiz ifaçısı Sabir Mirzəyev toyda necə aldadılıb... 29 Fevral 2020, 10:53 Koronavirusa yoluxmuş Rusiya vətəndaşından XƏBƏR VAR 29 Fevral 2020, 10:41 İrandakı bütün Azərbaycan vətəndaşları geri QAYITDI 29 Fevral 2020, 10:34 ABŞ-dan Türkiyəyə dəstək 29 Fevral 2020, 10:28 Daha bir ölkə İranla əlaqələri kəsdi - Koronavirusa görə 29 Fevral 2020, 10:20 Ordumuz genişmiqyaslı təlimlərə başlayır 29 Fevral 2020, 10:17 Ukrayna 9 May Qələbə Günündən İMTİNA ETDİ 29 Fevral 2020, 10:12 Qərb rayonlarımız atəşə tutuldu 29 Fevral 2020, 10:00