Arxiv
8 Oktyabr 2019, 15:22 | ANALİTİKA
Türkiyə Suriyaya qoşun yeridəcək - Kürdlər Trampı “xəyanət”də ittiham etdi

Türkiyə Suriyada ABŞ-ın müttəfiqi olan “Demokratik Suriya Qüvvələri”nə qarşı hərbi əməliyyatlara hazırlaşır. Donald Tramp Ankaranın razılaşdırılmış sərhədləri keçəcəyi təqdirdə ölkə iqtisadiyyatını darmadağın edəcəyini bildirib.

 

Modern.az xəbər verir ki, Türkiyə ölkənin şimal-şərqində genişmiqyaslı əməliyyatlar keçirəcək. Bu əməliyyat genişliyinə görə Suriyada türk ordusunun keçirəcəyi ən geniş əməliyyatdır. Amma türk ordusunun Mənbicdən İraq sərhədinə qədər şiddətli müqavimətlə üzləşəcəyi gözlənilir.

Prezident Rəcəb Tayyip Ərdoğan bazar ertəsi günü əməliyyatın hər an başlana biləcəyini bildirib

 

Suriya ordusu ilə sərhədi kürdlərin YPG (Xalq Özünümüdafiə Dəstələri) və YPJ (Qadın Özünümüdafiə Dəstələri) dəstələri idarə edir.

Maraqlıdır ki, ABŞ Suriyaya daxil olduqdan bəri bu qruplaşmalar regionda onların əsas müttəfiqi sayılırdı. 2015-ci ildə amerikalı hərbi təlimatçılar onlara təlim keçir, silahla təmin edirdilər. YPG və YPJ daha geniş miqyası əhatə edən “Suriya Demokratik Qüvvələri”nin (SDF) tərkib hissəsidir. SDF isə kürdlərin “Demokratik İttifaq” partiyasının hərbi qanadı sayılır. Ankara bu partiyanı PKK-nın Suriya qanadı saydığı üçün terror təşkilatı adlandırır.

 

Bazar ertəsi günü Ərdoğan Trampla telefon danışığı aparıb. Bundan sonra, ABŞ Suriyanın şimal-şərqindən öz qoşunlarını çıxarmağa başlayıb. Ümumilikdə, regionda min amerikalı hərbçi var. Onların türk ordusunun əməliyyat keçirəcəyi regiondan çəkilməsi 1 həftə vaxt alacaq.

 

ABŞ mətbuatı isə oktyabrın 6-dan başlayaraq, amerikalı əsgərlərin Türkiyə ilə sərhəddə yerləşən Tel-Abyad şəhərindəki müşahidə postunu tərk etdiklərini yazır. Ankaradakı mənbələr isə əməliyyatın yaxın 1 həftə ərzində başlanacağını proqnozlaşdırır. İlk növbədə, amerikalı hərbçilərin təhlükəsiz məsafəyə qədər uzaqlaşmaları gözlənilir.

 

“Suriya Demokratik Qüvvələri”nin nümayəndəsi Musatafa Bali baş verənləri “arxadan zərbə” adlandırıb. Qruplaşma ABŞ-la birgə İŞİD-ə qarşı vuruşduğunu və bu zaman 11 min döyüşçüsünü itirdiyini xatırladıb. Onlar Türkiyə ilə sərhəd boyu total müharibə edəcəklərini vurğulayıblar.

 

Tramp bazar ertəsi günü Twitter-də yazdığı 5 ardıcıl tvit-də ABŞ ordusunun Suriyanın şimal-şərqini hansı səbəblərdən tərk etdiyini izah edib.

“Kürdlər bizimlə birlikdə döyüşüblər və buna görə biz onlara çoxlu pul və silah paylamışıq. Onlar Türkiyə ilə onlilliklər boyu vuruşublar. Mən bu müharibəni 3 il saxlasam da, daha bu qarışıq müharibələrdən çıxmaq zamanıdır”-deyə Tramp yazıb.

Onun fikrincə, İran, Rusiya, İraq, Avropa, Türkiyə, Suriya və kürdlər Yaxın Şərqdəki problemlərini özləri həll etməlidir.

“Biz nə türkləri, nə də türkləri dəstəkləməyəcəyik. Əgər onlar toqquşsa, biz kənardan seyrçi olacağıq”-deyə adı açıqlanmayan amerikalı məmur “Nyu York Tayms”a açıqlama verib.

 

Rəsmi Ankara Suriya ilə sərhəddə bufer zonası yaratmağı və kürd müqavimətini tamamilə zəiflətməyi əsas strateji hədəf hesab edir. 2016-2017-ci illərdə “Fərat Qalxanı” əməliyyatı çərçivəsində türk ordusu Afrin və Fərat çayının şərq sahilindəki kürd qüvvələrini ikiyə ayıra bilmişdi. Növbəti “Zeytun Budağı” əməliyyatı iləsə Afrindəki kürd mövqeləri ələ keçirildi. Bundan sonra, Ərdoğan Fəratın şərq sahillərini də azad edəcəklərini bildirmişdi. Həmin vaxt Vaşinqton bunun qarşısını almağa çalışırdı.

 

Rəcəb Tayyip Ərdoğan BMT-də çıxışı zamanı Suriya ilə 480 kilometr boyu təhlükəsizlik zolağının yaradılacağını elab etmişdi. Həmin bölgədə 2 milyon suriyalı qaçqının yerləşməsi nəzərdə tutulur. Türkiyə tərəfi təhlükəsizlik zonasının 30 kilometr dərinliyə malik olmasını gözləyir. Amma xətti Deyr-əz-Zora qədər genişləndirmək mümkün olsa, daha 1 milyon suriyalının bölgəyə qaytarılması mümkün olacaq.


ABŞ-dakı mənbələr Türkiyə ordusunun keçirəcəyi əməliyyatın miqyasını bilmədiklərini vurğulayır. BMT isə regionda ciddi humanitar problemlərin yaranacağından qorxur.

 

Donald Tramp Türkiyə ilə bağlı tvit-lərinin ardınca Ankaranı hədələyən açıqlamlarla çıxış edib.

O, “əvvəl də dediyim kimi, Türkiyə mənim böyük müdikliyim və səbrimi daşıran addım atarsa, ölkə iqtisadiyyatını Yer üzündən siləcəm” tipli lovğa tvit atıb.

 

Suriya münaqişəsinin daha bir önəmli oyunçusu Moskva isə türk ordusunun əməliyyatına qarşı çıxsa da, döyüşlərin baş verəcəyi bölgənin hökumət qüvvələrinin nəzarəti altında olmaması bu etirazı xeyli zəiflədir. Moskva bütün Suriya ərazisində Bəşər Əsəd hökumətinin bərqərar olmasının tərəfdarıdır. 

BU KATEQORİYADAN OLAN DİGƏR XƏBƏRLƏR
+ Arxiv
“Futbolçuları yox, əsgərlərimi təbrik edirəm” - Qurban Qurbanov 2 Oktyabr 2020, 00:56 COVID-19 təhlükəsi işıq sürəti ilə yayılır 2 Oktyabr 2020, 00:41 “Qarabağ” qələbəsini əsgər salamı ilə qeyd etdi 2 Oktyabr 2020, 00:27 Türkiyədən Azərbaycana dəstək davam edir 2 Oktyabr 2020, 00:21 Xocavəndin işğalından 28 il ötür 2 Oktyabr 2020, 00:06 Cəbhə gündəliyi: 1 oktyabrda nələr oldu... - Rəsmi XƏBƏRLƏR 1 Oktyabr 2020, 23:57 Türkiyədə daha 67 nəfər koronavirusdan öldü 1 Oktyabr 2020, 23:43 “Qarabağ”dan möhtəşəm qələbə - 7-ci dəfə AvroLiqanın qrup mərhələsində... 1 Oktyabr 2020, 23:27 Ermənistan qırıcıları Azərbaycan sərhədində 1 Oktyabr 2020, 23:18 Avropa Parlamenti Dağlıq Qarabağ münaqişəsini müzakirə edəcək 1 Oktyabr 2020, 23:06 "Guardian" nəşrinin Qarabağla bağlı yazısına cavab verildi 1 Oktyabr 2020, 22:54 “Rusiya Qarabağ münaqişəsində heç bir tərəfi dəstəkləmir” – Rəsmi Moskva 1 Oktyabr 2020, 22:47 Azay Quliyev “Əl-Cəzirə” televiziyasına müsahibə verib - VİDEO 1 Oktyabr 2020, 22:37 Sabiq müdafiə naziri: “Hazırda cəbhədə mövqe döyüşləri gedir” 1 Oktyabr 2020, 22:30 Ermənilər Azərbaycana qarşı kiberqruplar yaratdılar 1 Oktyabr 2020, 22:13 Baş Polis İdarəsindən komendant saatı ilə bağlı əhaliyə MÜRACİƏT 1 Oktyabr 2020, 21:45 Düşmənin 4 gündə itirdiyi texnikanın QİYMƏTİ 1 Oktyabr 2020, 21:32 Ermənistan İsraildəki səfirini geri çağırdı 1 Oktyabr 2020, 21:26 Azərbaycan nefti bahalaşıb 1 Oktyabr 2020, 21:18 Ceyhun Bayramovun Luici Di Maio ilə telefon danışığı olub 1 Oktyabr 2020, 21:09 Müdafiə Nazirliyi hərbi attaşelərə və beynəlxalq təşkilatlara düşmənin təxribatından DANIŞDI 1 Oktyabr 2020, 20:45 “Ağlı, dərrakəsi olmayan məhz Ermənistandır” - Tural Gəncəliyev  1 Oktyabr 2020, 20:35 Rusiyanın baş prokuroru Qarabağ münaqişəsinin  BMT TŞ-nın qətnamələri əsasında həllini dəstəkləyir 1 Oktyabr 2020, 20:26 Ceyhun Bayramov səfirlə görüşüb -FOTO 1 Oktyabr 2020, 20:18 Azərbaycan millisi ilə qarşılaşacaq Monteneqro yığmasının heyəti açıqlanıb 1 Oktyabr 2020, 20:10 Ukraynada Mixeil Saakaşviliyə hücum edildi 1 Oktyabr 2020, 20:04 Müdafiə Nazirliyi: Döyüş bayrağını qoruya bilməyən Ordunun iki yolu var 1 Oktyabr 2020, 20:00 Təbrizdə Azərbaycana dəstək aksiyası keçirilib - VİDEO 1 Oktyabr 2020, 19:50 Mərakeş Krallığı Dağlıq Qarabağla bağlı nota verdi 1 Oktyabr 2020, 19:40 Əgər belə bir vaxtda da birlik nümayiş etdirmirlərsə... 1 Oktyabr 2020, 19:33 Düşmənin 200-dək tank, 228 artilleriya, 110-dan artıq avtomobil məhv edilib - Müdafiə Nazirliyi 1 Oktyabr 2020, 19:25 Azərbaycan ordusunun əks-hücum əməliyyatları cəbhənin bütün istiqamətlərində davam etdirilir 1 Oktyabr 2020, 19:17 Eskişehirspor futbol klubundan Azərbaycana dəstək 1 Oktyabr 2020, 19:10 Latviyadakı deputat soydaşımızdan Azərbaycana DƏSTƏK 1 Oktyabr 2020, 19:03 Təhsil Nazirliyi: Düşmən təxribatı nəticəsində iki şagird həlak olub, bir müəllim yaralanıb, 11 məktəb dağılıb 1 Oktyabr 2020, 18:56