Modern.az

Məhəbbət Kazımovun ailəsi NARAZIDIR - Onun mahnısını başqası öz adına çıxır

Məhəbbət Kazımovun ailəsi NARAZIDIR - Onun mahnısını başqası öz adına çıxır

16 Oktyabr 2019, 10:35

“Atamın köhnə tanışlarından olan, onun ansamblında gitara çalmış Teymur Laçınlı atamın bəstələdiyi “Mən səni sevən gündən” mahnısını öz adına çıxıb”.

 

Bu sözləri Modern.az-a açıqlamasında mərhum müğənni Məhəbbət Kazımovun oğlu Rəşid Kazımov bildirib.

 

O, qeyd edib ki, atasının son bəstələrindən olan “Mən səni sevən gündən” mahnısını Məhəbbət Kazımovdan sonra Xatirə İslam və başqa 3-4 müğənni də ifa edib.

 

“Yaxın günlərdə “Instagram”da xoşagəlməz bir şeylə qarşılaşdım. Atamın gitaristi olan Teymur Laçınlı mahnının öz bəstəsi oldğunu bildirib. Həmçinin, qeyd edib ki, bu mahnını oxumağa heç kimə icazə vermir. Burdan demək istəyirəm ki, həmin mahnının bəstəkarı Teymur bəy deyil, elə atamın özüdür. “Mən səni sevən gündən” mahnısının sözləri Zahid Abbasa, bəstəsi atama aiddir. Sadəcə həmin mahnıda kiçik bir parça var ki, Teymur Laçınlı onu ifa edib”.

 

Rəşid Kazımov bildirib ki, kiminsə özünün olmayan mahnı üçün müğənnilərə qadağa qoyması düzgün deyil.

 

“Mən oğlu, biz ailəsi olaraq mahnını oxuyanlara bir şey demiriksə, Teymur bəyə söz düşməz. Mən həmişə deyirəm ki, sənətkarı xalq yaşadır. Müəllif hüquqları qorunduğu təqdirdə atamın istənilən mahnısı ifa olunsa, biz heç nə demərik. Burdan demək istəyirəm ki, mahmıya heç bir qadağa yoxdur”.

Instagram
Gündəmdən xəbəriniz olsun!
Keçid et
Hərbi gəmilər döyüşə hazır vəziyyətə gətirildi