Modern.az

Xarici İşlər Nazirliyi azərbaycanlıların Almaniyada həbsi barədə...

Xarici İşlər Nazirliyi azərbaycanlıların Almaniyada həbsi barədə...

14 Noyabr 2019, 21:53

"Almaniyada Azərbaycan vətəndaşlarının sənədlərin saxtalaşdırılması və qeyri-qanuni miqrasiyada şübhəli bilinərək saxlanılması haqda məlumatımız var".

Modern.az xəbər verir ki, bunu jurnalistlərə açıqlamasında Xarici İşlər Nazirliyinin (XİN) mətbuat katibi Leyla Abdullayeva deyib.

"Təəssüf edirik ki, özlərini “siyasi mühacir” kimi qələmə verən bu şəxslər yuxarıda qeyd olunan fəaliyyətdə şübhəli bilinərək saxlanılıblar. Azərbaycan və Almaniya hüquq-mühafizə orqanları arasında əməkdaşlıq mövcuddur və Almaniya tərəfindən müraciət olduğu təqdirdə bu məsələ də müvafiq şəkildə nəzərdən keçirilə bilər", - deyə XİN rəsmisi qeyd edib.

Xatırladaq ki, Almaniyanın hüquq-mühafizə orqanları Azərbaycandakı müxalifət partiyalarının fəallarını saxlayıblar. Cinayət qrupunun 7 üzvü tutulub.

Yerli federal məhkəmələr cinayətkar dəstənin üzvləri barədə altı ay müddətinə həbs qətimkan tədbiri seçiblər.

Twitter
Sizə yeni tvit var
Keçid et
Bakıdan Ermənistana xəbərdarlıq: Kəndləri boşaldın,ya da...