Arxiv
7 Dekabr 2019, 20:37 | AKTUAL
Azərbaycan həkimlərindən dünyada ilk unikal əməliyyat - FOTO

Mərkəzi Gömrük Hospitalında bu il noyabrın 13-də icra olunan bir unikal əməliyyat ölkəmizdəki tibbin sərhədsiz imkanlarını və Azərbaycan həkimlərinin ən yüksək peşəkarlıq səviyyəsini nümayiş etdirib.

Modern.az  xəbər verir ki, dünyada ilk dəfə olaraq, cərrahlar briqadası doktorlar Rəşad Mahmudov və Mircəlal Kazıminin rəhbərliyi ilə aorto-koronar şuntlama və donor qaraciyər transplantasiyası kimi olduqca mürəkkəb bir əməliyyat uğurla gerçəkləşdirib. Donoru öz əmisi olan 5 yaşlı pasiyent qənaətbəxş vəziyyətdə xəstəxanadan evə yazılıb və öz ailəsinə qovuşub.

Dünya tibb tarixində ilk dəfə olaraq həyata keçirilən bu unikal əməliyyata həsr olunan mətbuat konfransında Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin rəisi, ürək-damar cərrahı Rəşad Mahmudov və həmin Hospitalın Cərrahiyyə və Transplantologiya şöbəsinin rəisi, cərrah-transplantoloq Mircəlal Kazımi KİV nümayəndələrinin çoxsaylı suallarını cavablandırıblar. Bildirilib ki, Türkiyənin Hacettepe Universitet Xəstəxanasında Uşaq Xəstəlikləri və Metabolizm şöbəsinin mütəxəssisləri tərəfindən beş yaşlı bir xəstədə aşkarlanan anadangəlmə hiperlipidemiya xəstəliyi Mərkəzi Gömrük Hospitalında aparılan tibbi müayinələr zamanı da təsdiqlənib.


Mərkəzi Gömrük Hospitalında xəstənin ailəsinə yeganə müalicə metodu olaraq, pozulmuş metabolizmi normallaşdıracaq bir qaraciyər nəqli əməliyyatı təklif edilib, kiçik xəstənin donoru isə öz əmisi olub.


Beləliklə, 5 yaşlı pasiyentə təcili olaraq başqa bir kompleks əməliyyata ehtiyac duyulub: döyünən ürək üzərində aorto-koronar şuntlama (AKŞ). Güclü müasir texniki bazaya və yüksək ixtisaslı mütəxəssislərdən ibarət kollektivə sahib olan hospitalda bir əməliyyat zamanı ardıcıl olaraq döyünən ürək üzərində aorto-koronar şuntlama və qaraciyər transplantasiyasını həyata keçirmək qərarı verilib.
Qeyd olunub ki, dünya tibbi ədəbiyyatlarında uşaqlar üzərində aparılan bu əməliyyat haqqında heç bir məlumat mövcud deyil. Amma təəssüf ki, Azərbaycan səhiyyəsində əldə edilən bu qururverici nailiyyəti, ümidini itirən insanların xaricə getmədən öz vətənində sağlamlığına qovuşmasını, şəfa tapanla yanaşı, doğmalarının da sonsuz sevincini qısqanclıqla qarşılayan bəzi xəstəxana və klinikanın doktorları sosial şəbəkələrdə guya bu əməliyyatın dünyada bir ilk olmadığını iddia edir, yanlış ictimai fikir formalaşdırmağa uğursuz cəhd göstərirlər. Öz yanlış iddialarını isbatlamaq üçün dünya tibb nəşrlərindən gətirdikləri nümunələrin isə heç bir əsası yoxdur. Ürək-damar cərrahı, tibb elmləri doktoru Rəşad Mahmudov məsələyə aydınlıq gətirərək bildirib ki, hələ bir ay bundan öncə cərrahi briqadamızın mütəxəssisləri əməliyyat zamanı çıxışlarında belə bir əməliyyatın dünya təcrübəsində də nadir ola biləcəyini qeyd ediblər. Əməliyyata daxil olarkən cərrahımız qeyd edib: “Məncə, bu əməliyyat, həm ölkəmiz, həm də dünya üçün çox nadir rastlana biləcək böyük əməliyyatlardan biridir”.


“Buna baxmayaraq, əməliyyatdan sonrakı dövrdə geniş araşdırmalar aparsaq da, dünya ədəbiyyatlarında “ailəvi hiperlipidemik uşaq xəstə olmasi ilə yanaşı uşaq yaşda döyünən ürəkdə aorta koronar şuntlama əməliyyati (beating heart aorto coronar bypass in pediatric case) və canlıdan canlıya qaraciyər transplantasiyası əməliyyatı”nın da müştərək icra olunduğu hər hansı bir elmi nəşr tapılmayıb.


Nümunə kimi göstərilən məqalə barədə məlumatlıyıq və bu qəbildən olan bir çox məqaləni zəruriyyət yarandığı halda geniş ictimaiyyətə açıqlaya bilərik. Nümunə gətirilən məqalədə göstərilənmiş hiperlipidemiyası olan 6 yaş 9 aylıq uşaqda aparılan əməliyyatın xüsusiyyətləri bizim xəstədən bir çox yöndən fərqlidir. Belə ki, bu xəstədə eyni meyit donorundan eyni zamanda kombinə olunmuş ürək və qaraciyər transplantasiyası əməliyyatı olunub və hətta, dünyada bu tipli 44-dən çox əməliyyat icra edilib, ən çox da Yaponiyada. Bizim xəstə isə, birincisi, canlıdan canlıya qaraciyər tranplantasiyası, ikincisi isə uşağın öz ürəyinin, qorunduğu döyünən ürəkdə aorta koronar şuntlama əməliyyatı ilə fərqlənir. Yəni bizim əməliyyatda meyit donordan deyil, canli donordan istifadə olunub və uşağin ürəyi transplantasiya olunmadan öz ürəyinin qoruyucu əməliyyat edilməsi ilə fərqlənir”.


R.Mahmudov qeyd edib ki, ikinci məqalədə göstərilmiş klinik hal isə onların pasiyentindən ilk növbədə böyük yaşlı olması və ikincisi, dayanmış ürəkdə (on pump) koronar şuntlama əməliyyatı icra olunması ilə fərqlənir.


“Biz inanırıq ki, nailiyyətlərimizə kölgə salmağa cəhd göstərən doktorlar məqalələrin material və metod, eləcə də əməliyyat texnikası hissəsini diqqətlə nəzərdən keçirsələr, bir çox xüsusiyyətləri ilə seçilən fərqli nüanslar olduğunu aydın görə bilərlər. Əlbəttə ki, əgər görmək istəsələr”,- deyə həkim  vurğulayıb.


Mərkəzi Gömrük Hospitalının Mətbuat xidməti də dünyada ilk dəfə olaraq Azərbaycanda uğurla icra edilən unikal əməliyyat barədə məqsədyönlü şəkildə yanlış fikir formalaşdıranlara səslənərək, belə rəylərin qeyri-peşəkar yanaşma kimi qəbul edldiyini və dünyanın bir çox dəyərli ekpspertləri tərəfindən təbrik edilən ölkəmizin peşəkar və təcrübəli həkimlərinin bu uğuruna sevinmək üçün özlərində güc tapmalarını arzu edib.

BU KATEQORİYADAN OLAN DİGƏR XƏBƏRLƏR
+ Arxiv
Ali məktəblərə qəbulun NƏTİCƏLƏRİ açıqlandı - YENİLƏNİB 24 Sentyabr 2020, 02:20 Savaş qoxusu 24 Sentyabr 2020, 00:57 ABŞ Lukaşenkonu prezidenti kimi tanımır 24 Sentyabr 2020, 00:53 Azərbaycana bu ölkədən dərman idxalı azalıb 24 Sentyabr 2020, 00:34 Bakıda kütləvi dava 24 Sentyabr 2020, 00:17 Kəlbəcərdə şəhid olan Həsənin qızı TƏLƏBƏ adını qazandı- FOTO 24 Sentyabr 2020, 00:01 Qəza törədən azərbaycanlı repçi həbs olundu 23 Sentyabr 2020, 23:44 Çernobılda 100 ildən sonra ayılar göründü 23 Sentyabr 2020, 23:19 Bərdədə 28 yaşlı qadın kista əməliyyatında öldü 23 Sentyabr 2020, 23:09 Nazirlik 225 sahibkarlıq subyektində pozuntular aşkarladı 23 Sentyabr 2020, 22:52 Ərdoğan NATO ilə  müzakirələr aparır 23 Sentyabr 2020, 22:35 Obama sosial şəbəkədə telefonunun nömrəsini paylaşdı 23 Sentyabr 2020, 22:21 Rusiyada deputat koronavirusdan öldü 23 Sentyabr 2020, 22:08 Hindistanda koronavirusdan ölənlərin sayı 90 mini ötdü 23 Sentyabr 2020, 21:57 “Dərs vaxtı”nın sabaha olan cədvəli - FOTO 23 Sentyabr 2020, 21:40 İcra başçısının müavini işdən çıxarıldı 23 Sentyabr 2020, 21:26 Şura haqqında böhtan yayan saytlar məhkəməyə veriləcək 23 Sentyabr 2020, 21:15 Türkiyədə daha 72 nəfər koronavirusdan öldü 23 Sentyabr 2020, 20:59 ABŞ-dan neft ehtiyatları barədə açıqlama 23 Sentyabr 2020, 20:45 “Ordu quruculuğunun gücləndirilməsi üçün büdcədə ciddi artım nəzərdə tutulub” - Əli Əsədov 23 Sentyabr 2020, 20:31 Baş prokuror yanında Elmi-Məsləhət Şurasının iclası keçirilib 23 Sentyabr 2020, 20:23 ABŞ-dan Rusiyaya qarşı yeni sanksiya 23 Sentyabr 2020, 20:12 “Büdcə təşkilatlarında izafi xərclərə yol verilir” - Baş Nazir 23 Sentyabr 2020, 20:01 Nazirlər Kabineti büdcə məsələlərini müzakirə etdi – QƏRAR VERDİ 23 Sentyabr 2020, 19:52 Naxçıvanda hərbi kurslar başa çatdı 23 Sentyabr 2020, 19:38 Azərbaycanda Kosmik Məsələlər üzrə Şura yaradıldı 23 Sentyabr 2020, 19:28 Dağıstanda həbs olunan azərbaycanlılarla bağlı XƏBƏR VAR 23 Sentyabr 2020, 19:20 Ceyhun Bayramov 28 ölkənin iştirak etdiyi beynəlxalq tədbirə qatıldı 23 Sentyabr 2020, 19:02 Daha bir ölkədə təhsil müəssisələrində yolxuma artır 23 Sentyabr 2020, 18:56 “AzGold” MMC-nin rəhbərinə cinayət işi AÇILDI 23 Sentyabr 2020, 18:43 Elman Paşayev Rusiya parlamentinin deputatı olmaq istəyir 23 Sentyabr 2020, 18:37 Azərbaycan su ehtiyatları yaradır 23 Sentyabr 2020, 18:21 Prezident və birinci xanım Balaxanıda görülən işlərlə tanış oldu - YENİLƏNİB 23 Sentyabr 2020, 18:04 Daha 7 şagird və 6 təhsil işçisi koronavirusa yoluxdu 23 Sentyabr 2020, 17:58 Arsak adı nə vaxt və hansı tarixi şəraitdə meydana gəlib? 23 Sentyabr 2020, 17:52