Ermənistan baş naziri Nikol Paşinyan hökumətdə ciddi kadr dəyişikliklərinə hazırlaşır.
Modern.az Ermənistanın “Joxovurd” qəzetinə istinadən xəbər verir ki, bu barədə hökumətdəki mənbə məlumat verib.
İstefaya göndəriləcək şəxslər sırasında əmək və sosial problemlər naziri Zarui Batoyan, təhsil, elm, mədəniyyət və idman naziri Araik Arutunyan, səhiyyə naziri Arsen Torosyan, iqtisadiyyat naziri Tiqran Xaçatryan, müdafiə naziri David Tonoyan və onların müavinləri daxildir.
Hərbi vəziyyət dövründə effektiv fəaliyyət göstərməyən bu şəxslərin istefa verməsi gözlənilir. Onların yerinə cəmiyyətdə nüfuzu olan kadrların gətirilməsi və bununla da ölkədəki etiraz ab-havasının zəiflədilməsi nəzərdə tutulur.