Arxiv
26 Noyabr 2020, 15:18 | REPORTAJ
Şəkli dünyanı dolaşan Kəlbəcərli qız: “Elə bilirdim bacımı oğurlayacaqlar”

Hər anın öz hökmü var deyib atalarımız. İllər əvvəl Kəlbəcəri tərk edərkən qucağında tutduğu bacısı ilə çəkilən fotosu dünyanı dolaşan qızla işğal günlərindən danışanda, bir gün ona gözaydınlığı üçün zəng edəcəyimiz ağlımıza belə gəlməzdi. Bəlkə də şablon olaraq, “İnşallah, Kəlbəcər işğaldan azad edilər” ifadəsinin fərqinə varmadan sağollaşmışdıq Həyat xanımla...


Düz 27 il əvvəl, Kəlbəcər işğal olunarkən ata-anasınından ayrı düşən iki qızcığazın fotosu Kəlbəcərin simvoluna çevrildi.


Fotodakı nisbətən böyük olan bacı 1 yaşı tamam olmayan bacısını iki gün qucağından yerə qoymur. Sanki əlindən yerə
qoysa, bacısını oğurlayacaqlar kimi düşünür.


Bir neçə il əvvəl Modern.az olaraq bu şəkildəki qızları tapdıq, onlardan müsahibə aldıq. İndi isə ötən illəri xatırlayaraq, Kəlbəcərin azadlığından danışdıq. Bacısı ilə şəklinin dünyanı gəzdiyini, artıq bu fotonun tarixə çevrildiyini bildirdik.

 

Həyat Bayramova Kəlbəcərin işğaldan azad edilməsilə bağlı Modern.az-a danışarkən sevinc gözyaşlarına boğuldu:

 

“Heç bilməzdim ki, o şəkil bu qədər məşhur olacaq. O zaman elə müsibət anlar idi ki, şəkil yada düşmürdü. Biz Kəlbəcərə qayıdanda bacımla yeni şəkil çəkdirib sizə yollayacağıq. Həmin şəkli də dünyaya yayarsınız”.

 

“Hər gün yaralı əsgərin toxunduğu bayrağa baxıb ağlayıram...”

 

“Siz inanırsınızmı ki, noyabrın 10-dan - bu xəbər çıxandan mən gecə-gündüz yatmıram, sevincimin həddi-hüdudu yoxdur. İllərdir bu günün həsrətilə yaşayıram. Evimdə yaralı əsgərimizin tutduğu bayraq var. Hansı ki, Murovdağ silsiləsində olanda həmin bayrağı sancan əsgərimiz yaralanıb. O bayrağı məktəb direktorumuz mənə verdi. İnanın, hər səhər evi təmizləyə-təmizləyə yaralı əsgərimizin toxunduğu o bayrağa baxıb ağlayıram”.

 

“Şükür, Şəhidlərimizin qanı yerdə qalmadı...”

 

Danışdıqca sevincdən gözyaşlarına hakim ola bilməyən Həyat xanımın arzusu o bayrağı aparıb ana yurduna öz əlilə sancmaqdır:


“İnanın, sevincdən dilim söz tutmur danışmağa. Axşam hərbçi olan yaxın qohumum zəng edib ki, “İstisu”dadır. Deyirəm nə olardı, məni də aparardın özünlə. Deyir inaşallah, sən gələn günlər də olacaq.

Mənim birinci arzumdur Kəlbəcərə qayıtmaq. Bütün əsgərlərimizi Allah qorusun. Allah bu günləri bizə yaşadan Ali Baş Komandan İlham Əliyevi qorusun. Hər birimiz ona minnətdarıq. Bütün Şəhid analarının qarşısında baş əyirəm, Allahdan onlara səbr arzu edirəm. Şükür ki, Şəhidlərimizin qanı yerdə qalmadı”.

 


“Arzum hərbi formada Kəlbəcərə qayıtmaqdır...”

 

Hazırda Goranboyun Buzluq kəndində yaşayan kəlbəcərli xanımın bir arzusu var, hərbi formada vətənə qayıtmaq:


“Bircə istədiyim budur ki, hərbi formanı geyinib öz doğma vətənimə gedim. Heç olmasa evimizin yerini tapım, orda oturub əlimi Allaha açıb şükür edim.

Sevincimin həddi-hüdudu yoxdur. Mən bu uçuq evdə min bir zülmlə, əzabla 3 bala böyütmüşəm. Uçuq daxmanın altında bu günü gözləmişəm. Gözləmişəm ki, Ana Vətənimə, doğma torpağıma qayıdacam”.

 

“Əsgərlər evcik qurduğum yerə gedirlər...”

 

Hazırda 20, 16, 8 yaşında iki qız, bir oğul sahibi olan ana uşaqlıq xatirəsində qalan Kəlbəcərə onlarla birgə qayıdacağı günü gözlədiyini deyir:


“Axşam xəbərlərdə əsgərlərimizin Toğana-Kəlbəcər yolunda irəlilədiyini göstərən kadrlara baxanda, oğlum Nihada deyirəm ki, indi əsgərlərimiz mənim balaca vaxtı evcik qurub oynadığım, anadan olduğum yerə gedirlər. Uşaq ağlı ilə deyir, ana, eviniz orda durur? Deyirəm yox, deyir indi gedəndə məni aparmayacaqsan özünlə, həmişə “İstisu”, “İstisu” deyirsən, bəs aparmayacaqsan məni orda çimməyə?

Deyirəm aparacam, inşallah, mən üç balamla birlikdə qayıdacam Kəlbəcərə”.

 

“Təki ömür vəfa etsin...”

Həyat Bayramova deyir ki, şəkildə qucağında tutduğu bacısı Fatimə hazırda Gəncədə yaşlı ata-anası ilə birlikdə yaşayır:


“Hamımızın arzusu Kəlbəcəri yenidən görməkdir. Atam-anam 70 yaşındadırlar. Atam şəkər xəstəsidir, anamın təzyiqi var. Allah ömür verər, qismət edər, inşallah, onlar da qayıdarlar. Kim vətəninə, elinə qayıtmaq istəməz ki? Təki ömür vəfa etsin, gedib o yerləri yenidən görsünlər”.

BU KATEQORİYADAN OLAN DİGƏR XƏBƏRLƏR
+ Arxiv
Bu ölkədə açıq havada maska qadağası ləğv edildi 11 May 2021, 01:07 Lavrov İlham Əliyevlə görüşdə: "Qorxuram nəyisə unudum" 11 May 2021, 00:58 Revanşizm qoxusu verən bəyanatlar Ermənistan üçün təhlükəlidir - İlham Əliyev 11 May 2021, 00:45 1600-ə yaxın erməni hərbçisinin cəsədləri qarşı tərəfə təhvil verilib - Prezident  11 May 2021, 00:36 İlham Əliyev Lavrovu qəbul etdi - FOTO - YENİLƏNİB 11 May 2021, 00:27 Bakıya dolu yağdı - VİDEO 11 May 2021, 00:20 General Muradov Xankəndi ermənisinin evinə niyə getdi? - FOTO 11 May 2021, 00:11 İsrail Qəzzanı bombaladı - 9 fələstinli uşaq öldü 10 May 2021, 23:54 Lənkəranda piyadanı maşın vurdu - FOTO 10 May 2021, 23:43 Noyer Kanın rekordunu təzələdi 10 May 2021, 23:28 Çavuşoğlu Lavrovla Qarabağ və Qüdsü müzakirə etdi 10 May 2021, 23:14 Bakıda 7 maşın bir-birinə çırpıldı - FOTO 10 May 2021, 23:00 Türkiyə səfiri Qubadan paylaşım etdi - FOTO 10 May 2021, 22:44 Ermənistan parlamenti buraxıldı - yeni seçkilər elan olundu 10 May 2021, 22:30 Putinin Əliyevə zəngi: Lavrov Bakıya nə gətirib? - TƏHLİL 10 May 2021, 22:20 Türkiyədə daha 282 nəfər virusdan öldü 10 May 2021, 22:06 Deputat Bakı-Xankəndi qatarının işə düşəcəyini yazdı 10 May 2021, 21:39 Heydər Əliyevin ildönümü münasibətilə orduda silsilə tədbirlər keçirilib - FOTO 10 May 2021, 21:22 Gürcüstanın müxalifət lideri azadlığa çıxdı 10 May 2021, 21:03 Türkiyəyə göndərilən 3 qazimiz sağalaraq Vətənə döndü - FOTO 10 May 2021, 20:49 Parlament ikinci dəfə Paşinyanın namizədliyini rədd etdi 10 May 2021, 20:38 Lavrov Bakıya gəldi 10 May 2021, 20:25 İlham Əliyev Ordubadda ictimaiyyət nümayəndələri ilə görüşdü - FOTOLAR 10 May 2021, 20:20 Qusara bolluq qarı yağıb - FOTOLAR 10 May 2021, 20:14 Prezident Culfa-Ordubad avtomobil yolunun AÇILIŞINDA 10 May 2021, 20:14 Naxçıvanda Süni Mayalanma Mərkəzi istifadəyə verildi - FOTOLAR (YENİLƏNİB) 10 May 2021, 20:10 Prezident Naxçıvan Qarnizonu Mərkəzi Hospitalının açılışında - FOTOLAR 10 May 2021, 20:04 Ölkə başçısı Ordubad Su Elektrik Stansiyasının tikintisi ilə tanış olub - FOTOLAR 10 May 2021, 20:00 Prezident hərbi aerodromun AÇILIŞINDA (YENİLƏNİB) 10 May 2021, 19:57 Ordubad dəmir yolu stansiyası istifadəyə verildi - FOTOLAR 10 May 2021, 19:54 “Azərxalça”nın Naxçıvan filialının açılışı oldu - FOTOLAR 10 May 2021, 19:47 Naxçıvanda olan hərbi texnika bəzi qabaqcıl ölkələrin texnikalarından üstündür - Prezident 10 May 2021, 19:40 Naxçıvan Beynəlxalq Hava Limanının yeni uçuş-enmə zolağının təqdimatı oldu - FOTOLAR 10 May 2021, 19:35 Bakıda külək binanın dam örtüyünü uçurdu 10 May 2021, 19:30 "TBK" TV-də  Heydər Əliyevdən bəhs edən film göstərilib 10 May 2021, 19:22