Ermənistanın eks-prezidenti Robert Koçaryanın adı daha bir məhkəmə prosesində hallanır.
Modern.az Ermənistan KİV-nə istinadən xəbər verir ki, Koçaryan ilk prezident Levon Ter-Petrosyanın başçılıq etdiyi “Erməni Milli Konqresi”partiyasının sədr müavini Aram Manukyanı məhkəməyə verib.
Koçaryan Aram Manukyandan “böhtanı təkzib etmək və təhqirə görə üzr istəməyi” tələb edib. 2008-ci il 1 mart hadisələri barədə danışarkən Aram Manukyan “Koçaryan müdafiəsi üçün oğurladığı pullardan istifadə edir” , “hakimiyyəti oğurlayıb” və s. açıqlamalar verib.
