Modern.az

Azərbaycanda taxıl biçininə hazırlıqlar BAŞLADI

Azərbaycanda taxıl biçininə hazırlıqlar BAŞLADI

8 May 2021, 13:46

May ayının sonundan etibarən Azərbaycanda taxıl biçininə başlanılacaq.

 

Bu barədə Modern.az-a Kənd Təsərrüfatı Nazirliyinə istinadən xəbər verir.

 

Məlumata görə, bununla əlaqədar “Aqroservis” ASC tərəfindən biçinə hazırlıq işlərinin əsas mərhələsinə start verilib.

 

Hazırda biçinə cəlb ediləcək kombaynlar üzərində sazlama işləri aparılır. Bütün rayonlar üzrə mövcud kombaynlara texniki baxış keçirilir, nasaz vəziyyətdə olan texnikalarda təmir işləri həyata keçirilir.

 

Həmçinin, biçin zamanı düzgün dislokasiya planının qurulması üçün kombaynlar GPS nəzarət sistemi ilə təchiz edilir. Bu innovativ nəzarət sistemi biçin zamanı düzgün dislokasiya yaradılması, operativliyin təmin edilməsi, prosesə nəzarət edilməsi və şəffaf idarəetmə mexanizminin qurulmasına imkan yaradır.

 

Qeyd edək ki, taxıl biçininə hazırlıqların ilkin mərhələsində cari ildə taxıl biçininin itkisiz və mütəşəkkil həyata keçirilməsi məqsədilə kombaynları idarə edəcək mexanizatorlara ödənişsiz təlimlər keçirilib. Müxtəlif markalı kombaynlar üzrə ümumlikdə 263 mexanizator təlimlərdə iştirak edib. Təlimlərdə yüksək nəticə əldə edən mexaniztorlar sertifikat ilə təmin ediliblər.

Instagram
Gündəmdən xəbəriniz olsun!
Keçid et
Sevastopolda Rusiyaya məxsus daha bir SU-35 vurulub