Paytaxt məktəblərində təhsil işçilərinin orta aylıq əmək haqqının məbləği açıqlanıb.
Bakı Şəhəri üzrə Təhsil İdarəsindən Modern.az-a verilən məlumata görə, 2020-2021-ci tədris ilində paytaxt məktəblərində çalışan müəllimlərin orta aylıq əmək haqqı 702 manat təşkil edib.
Xatırladaq ki, bu il paytaxtda 309 ümumi təhsil məktəbi, 3 xüsusi ümumi orta məktəb və 5 əyani-qiyabi axşam məktəbi olmaqla, cəmi 317 məktəb və 5 Uşaq-Gənclər İnkişaf Mərkəzi fəaliyyət göstərib. Məktəblərdə 456 076 şagirdin təlim-tərbiyəsi ilə 28 167 müəllim məşğul olub.