Arxiv
11 Yanvar 2016, 16:42 | MÜSAHİBƏ
Ərəbistanın Bakıdakı səfiri: “İrandakı azərbaycanıların hüquqlarından danışsaq, onda..” - MÜSAHİBƏ

“Ölkəmdəki şiələrin hüquqları İrandakı şiələrin hüquqlarından çoxdur”

Səudiyyə Ərəbistanı Krallığının Azərbaycandakı fövqəladə və səlahiyyətli səfiri Musaid bin İbrahim bin Abdullah Əl-Səlim ölkəsi ilə İran arasında yaşanan siyasi gərginliklə bağlı Modern.az saytının suallarını cavablandırıb. Onunla müsahibəni təqdim edirik:

-Şiə ruhanisi Nimr ən-Nimrin edamından sonra Səudiyyə Ərəbistanı ilə İran arasında yaranan siyasi-diplomatik gərginlik hələ də davam edir. İran belə bir ərəfədə Həcc ziyarətindən imtina etdiyini açıqladı. Cənab səfir, bu, Səudiyyə Ərəbistanının iqtisadiyyatına təsir edəcəkmi?

-Hər şeydən öncə, hörmətli oxucularımız gərək bu hadisələrin əsasında nələrin durduğunu bilsinlər ki, deyilənlər haqqında geniş anlayışa malik olsunlar. Məsələ ondan başladı ki, Səudiyyə Ərəbistanı Krallığında 47 nəfər barəsində verilən edam hökmünə İran aqressiv bəyanatlarla münasibət bildirdi.

Onlar dedilər ki, bunu kəskin şəkildə pisləyirlər. Gərək hamı bilsin ki, barəsində edam hökmü çıxarılanlar Səudiyyə Ərəbistanı vətəndaşlarıdır. Onlar barəsindəki edam qərarı çıxarılmazdan qabaq məhkəmə prosesləri 5 il davam etmişdi. Məsələyə ədalətli və şəffaf surətdə baxılması ilə bağlı proseslər bütün instansiyalardan keçmişdi.

Həmin terrorçuların törətdiyi əməllər nəticəsində Səudiyyə Ərəbistanında bir çox günahsız vətəndaşlar həlak olmuşdu. Rəhmətə gedənlər arasında xarici, yerli vətəndaşlar və hüquq-mühafizə orqanlarının əməkdaşları var idi. Ardınca olan hadisələrdən də xəbəriniz var. Bizim ölkənin Tehrandakı səfirliyinə və Məşhəddəki baş konsulluğumuza basqınlar təşkil edildi.

İran rejimi diplomatik nümayəndəliklərin qorunması ilə bağlı beynəlxalq öhdəlikləri yerinə yetirmir. Səudiyyə Ərəbistanı İranla əlaqələrini ona görə kəsdi ki, bu ölkə mehriban qonşuluq prinsiplərinə, daxili işlərə müdaxilə etməmək prinsiplərinə, həmçinin diplomatik nümayəndəliklərin qorunması ilə bağlı öhdəliklərə əməl etmir.

Sizin sualınıza gəldikdə isə deyə bilərəm ki, bu əlaqələrin qırılması bizə iqtisadi cəhətdən heç bir zərər verməyəcək. Əksinə, İran rejimi bundan əziyyət çəkəcək. Çünki həm bizimlə, həm də başqa dövlətlərlə əlaqələri kəsiləcək. Buna görə də İran rejimi daha çox əziyyət çəkəcək. İranın Həcc və Ümrə ziyarətlərindən imtina etməyi onların daxili işidir. Ancaq bizim Xarici İşlər Nazirliyi açıqladı ki, Səudiyyə Ərəbistanı Allah evinin ziyarətçilərinə həmişə qucaq açmağa hazırdır.

İran təkcə Səudiyyə Ərəbistanının yox, İraq, Suriya, Yəmən, Bəhreyn və s. kimi ölkələrin də daxili işlərinə qarışır.



-İranla ölkənizin əlaqələrinin kəskin şəkildə pisləşdiyi bir zamanda dünya bazarlarında neftin qiyməti bir az da ucuzlaşdı. Bu tendensiyaya görə Səudiyyə Ərəbistanını da qınayırlar. Sizcə, İranla gərginlikdən sonra neftin qiymətinin bir az da enməsinin səbəbkarı kimdir?

-Bunlar hamısı kütləvi informasiya vasitələrində yayılan iddialardır. Səudiyyə Ərəbistanı dünyada neft qiymətlərinin ədalətli olmasının tərəfdarıdır. İndiki qiymətlər dünya bazarında tələb və təklifin nisbətindən irəli gəlir.

Əgər Səudiyyə Ərəbistanı və OPEK üzvlərinin hər hansı biri neftin qiymətini dəyişmək istəsə, bu, gərək birgə qərarla olsun. Onu da nəzərə almaq lazımdır ki, OPEK dünya neft istehsalının 30 faizini təşkil edir. OPEK üzvlərindən başqa böyük neft istehsalçıları da var.

Rusiya, Amerika və s. Qeyd etdiyim kimi, dünya bazarında tələb və təkliflər, əlavə gələn dəyərlər neftin qiymətinin aşağı düşməsinə səbəb olur. Səudiyyə Ərəbistanının neftin qiyməti ilə bağlı siyasəti həmişə açıq-aşkar olub. Neftin qiyməti o dərəcədə ədalətli olmalıdır ki, bu, həm neft ixrac edən, həm də nefti idxal edən ölkələr üçün xeyirli olsun.

Neftin qiyməti 100 dollardan çox olanda da Səudiyyə Ərəbistanı bunu qəbul etmirdi. Deyirdi ki, qiymətlər ədalətli olmalıdır. O vaxtı Ər-Riyad şəhərində Energetika Forumu deyilən bir təşkilat yaradılmışdı. Həmin təşkilatda neft istehsal və neft istehlak edən ölkələrin nümayəndələri var idi. Onlar neftin ədalətli qiyməti ilə bağlı qərarlar qəbul edirdilər.

-Növbəti sualım belə olacaq: Azərbaycan həm Səudiyyə Ərəbistanı, həm də İranla iqtisadi-siyasi əlaqələri malikdir. Ölkənizlə İranın gərginliyi Azərbaycana da təsir edə bilərmi?

-Azərbaycanın İranla əlaqələri bizə aid deyil. Mən öz dövlətim haqqında deyə bilərəm ki, Azərbaycanla bütün sahələrdə əməkdaşlığımızın genişlənməsinə çalışırıq. Ötən ilin dekabr ayında Azərbaycanın iqtisadiyyat və sənaye naziri Şahin Mustafayev böyük bir nümayəndə heyəti ilə Səudiyyə Ərəbistanında oldu. O nümayəndə heyəti həm iş adamları, həm də hökumət üzvlərindən ibarət idi. Onlar Səudiyyə Ərəbistanından olan həmkarları ilə müzakirələr apardılar. İnvestisiya, turizm, təhsil sahəsində olan əlaqələrin genişləndirilməsini müzakirə etdilər. Eyni zamanda, Müştərək Komissiyanın da iclası oldu. Qərar qəbul edildi ki, onlar neft-kimya sahəsində birgə layihələr həyata keçirsinlər.

-İranın Azərbaycandakı səfiri Möhsün Pakayin müsahiblərinin birində dedi ki, Səudiyyə Ərəbistanında şiə məzhəbindən olanların hüquqları pozulur, onlara qarşı təzyiqlər olur. Səfirin bu iddiasına cavabınız necə olacaq?

-Onlar həmişə boş iddia irəli sürməkdə mahirdirlər. Özlərini həmişə dünyadakı şiələrin başında gedən hesab edirlər. Biz Səudiyyə Ərəbistanında şiə və sünni vətəndaşları bir-birindən ayırmırıq. Onlar bütün hüquqlardan istifadə edirlər, bütün hüquqlara da malikdirlər. Ölkəmdəki şiələrin hüquqları İrandakı şiələrin hüquqlarından qat-qat artıqdır. İran gərək bu hüquqlardan danışmasın. Çünki biz İranda azlıqların, azərbaycanlıların, Əhvazda yaşayan ərəblərin sadə, mədəni hüquqlarından danışsaq, bu zaman deyə bilərik ki, həmin ölkənin anın bu barədə bir söz deməyə heç bir haqqı yoxdur. İran həmişə məzhəbçiliyə çağırır və bununla da İslam aləmini parçalamağa çalışırlar.

-Vaxtınızı ayırıb suallarımızı cavablandırdığınız üçün təşəkkür edirəm!

-Sağ olun!



Aqşin KƏRİMOV

BU KATEQORİYADAN OLAN DİGƏR XƏBƏRLƏR
+ Arxiv
Prezident küçələrdən siqaret kötükləri topladı 20 Sentyabr 2020, 00:59 İsveçrə ATƏT-in sədrliyi postuna namizəd irəli sürməyib 20 Sentyabr 2020, 00:43 Trampa qarşı qəsdin qarşısı alındı 20 Sentyabr 2020, 00:26 “Əsrin müqaviləsi”nin 26 ili tamamlandı 20 Sentyabr 2020, 00:09 Qubada polis postu quruldu 19 Sentyabr 2020, 23:58 6 futbol hakimi koronavirusa yoluxdu 19 Sentyabr 2020, 23:42 Əfqanıstanda terror: 1 ölü, 5 yaralı 19 Sentyabr 2020, 23:31 Bakıda kürəkən qaynanasını avtomobillə vurdu 19 Sentyabr 2020, 23:17 Bombardmançı təyyarə dünya rekordu qırdı 19 Sentyabr 2020, 23:03 Bu ölkədə koronavirusa yoluxanların sayı 390 358 nəfərə çatıb 19 Sentyabr 2020, 22:47 FETÖ ilə əməkdaşlıqda şübhəli bilinənlər saxlanıldı 19 Sentyabr 2020, 22:33 “Sumqayıt” lider oldu 19 Sentyabr 2020, 22:17 Amur çayı daşdı: balıqlar şəhərdə üzür – VİDEO 19 Sentyabr 2020, 22:01 Gəncədə gənc oğlan bıçaqlanıb 19 Sentyabr 2020, 21:44 BDU professorun universitetə buraxılmamasının SƏBƏBİNİ AÇIQLADI 19 Sentyabr 2020, 21:30 Türkiyədə koronavirusdan sağalanların sayı 266 117-yə çatıb  19 Sentyabr 2020, 21:17 Mahir Abbaszadə seçicilərlə növbəti videoqəbul keçirib 19 Sentyabr 2020, 20:58 “Bu işğalçı dövlətin növbəti məkrli oyunlara hazırlaşdığının bariz nümunəsidir” - Tural Gəncəliyev 19 Sentyabr 2020, 20:45 Qərbi Kaspi Universitetinin tələbələri Virtual Tələbə Uğur Forumuna qatılıb 19 Sentyabr 2020, 20:31 “Biz mütləq öz torpaqlarımıza qayıdacağıq” - İlham Əliyev 19 Sentyabr 2020, 20:18 Yol qəzası mərkəzi prospektdə tıxac yaratdı 19 Sentyabr 2020, 20:01 Nazirlikdən intihar edən müəllimə başsağlığı: “Qeyri-dəqiq məlumatların təqdimatı təəssüf doğurur” 19 Sentyabr 2020, 19:36 Xuraman Şuşalı 100 min xərclədiyi evini satışa çıxardı - VİDEO 19 Sentyabr 2020, 19:25 BDU-nun professorunu iş yerinə buraxmadılar - SƏBƏB 19 Sentyabr 2020, 19:11 Tofiq Yaqublu ilə bağlı qərar müxalifət üçün testdir - Azay Quliyev 19 Sentyabr 2020, 19:03 Prezident Qarabağ barədə DANIŞDI: “Xalq bilməlidir nələr baş verir” 19 Sentyabr 2020, 18:28 Azərbaycanda reanimasiyada olan COVİD-19 xəstələrinin sayı açıqlandı 19 Sentyabr 2020, 18:20 Naqif Həmzəyev: “Əsrin müqaviləsi”nin uğurlu icrası Azərbaycanın gücünə güc qatır" 19 Sentyabr 2020, 18:12 Konstitusiya referendumuna ehtiyac varmı… – Partiya liderlərindən MÜNASİBƏT 19 Sentyabr 2020, 18:03 Sumqayıtın yanından keçəndə hər kəs pəncərəni bağlayırdı ki….” – Ölkə başçısı 19 Sentyabr 2020, 17:52 1 həftəyə 13 milyard dollar QAZANDI 19 Sentyabr 2020, 17:40 İlham Əliyev: Bu gün Azərbaycan bütün reytinqlərdə ən qabaqcıl yerlərdədir 19 Sentyabr 2020, 17:31 Prezident təməlqoyma mərasimində... - YENİLƏNİB 19 Sentyabr 2020, 17:24 Komitə sədri seçicilərlə onlayn görüş keçirdi - FOTO 19 Sentyabr 2020, 17:22 Gəncədə 22 yaşlı oğlan naməlum şəraitdə bıçaqlanıb 19 Sentyabr 2020, 17:13