ABŞ, Kanada və Meksikada davam edən futbol üzrə Dünya Çempionatında bombardirlər siyahısına hələ ki Fransa millisinin hücumçusu Kilian Mbappe başçılıq edir.
Modern.az xəbər verir ki, Mbappenin hesabında 6 qol və qolla nəticələnmiş 2 ötürmə var.
2-ci yerdə gələn Argentina millisinin kapitanı Lionel Messi də 6 qol vurub. Amma onun qol ötürməsi yoxdur.
Rəqib qapılarından 5 top keçirən Norveç yığmasının hücumçusu Erlinq Holann və eyni sayda qolu olan İngiltərə millisinin kapitanı Harri Keyn 3-cü və 4-cü yerləri bölüşdürürlər.
Hesabında 4 qol və 2 ötürmə olan fransalı Usman Dembele də ilk “5-lik”də yer alır.
1. Kilian Mbappe (Fransa) – 6 qol, 2 ötürmə
2. Lionel Messi (Argentina) – 6 qol
3. Harri Keyn (İngiltərə) – 5 qol
4. Erlinq Haaland (Norveç) – 5 qol
5. Usman Dembele (Fransa) – 4 qol, 2 ötürmə
Xatırladaq ki, Dünya Çempionatın sonunda ən çox qol vuran futbolçuya “Qızıl buts” mükafatı veriləcək.
