Modern.az xəbər verir ki, Bakıda baş vermiş yanğın zamanı ölən ana-balanın kimliyi müəyyənləşib. Hadisə martın 1-də saat 02 radələrində Xəzər rayonu Türkan qəsəbəsində Tərəvəz İbrahimovanın yaşadığı mənzildə baş verib. Daxili İşlər Nazirliyinin məlumatına görə, hadisə nəticəsində 4 kvm. sahədə olan əşyalar yanıb, T.İbrahimova və qızı Samirə Abdullayeva tüstüdən boğularaq ölüblər.
Yanğında ölən ana və qızının Azərbaycanın xalq artisti, xanəndə Ağaxan Abdullayevin yaxın qohumları olduğu məlum olub.
APA-nın məlumatına görə, Tərəvəz İbrahimova Ağaxan Abdullayevin qardaşının həyat yoldaşı, onun qızı Samirə Abdullayevanın isə xanəndənin qardaşı qızıdır.
A.Abdullayev faktı təsdiqləyib.
Modern.az
