Ölkə üzrə bələdiyyə büdcələrinin gəlirləri 2022-ci ilin yekunlarına görə 47.4 milyon manat təşkil edib.
Modern.az xəbər verir ki, bunu Milli Məclisdə “Azərbaycanda yerli demokratiyanın, özünüidarəetmənin və regionların inkişafında Heydər Əliyev irsi” mövzusunda ictimai dinləmədə Ədliyyə Nazirliyinin Bələdiyyələrlə İş Mərkəzinin rəisi Rəhman Məmmədov deyib.
“2020-2022-ci illərdə bələdiyyələrin ümumi büdcə gəlirləri 2019-cu illə müqayisədə 12.4 milyon manat (35%), yerli vergilərdən daxilolmalar isə 6 milyon manat (43%) artıb. Bakı bələdiyyələri üzrə isə son iki ildə büdcə gəlirləri 58%, yerli vergilərdən daxilolmalar isə 73% artıb”,-deyə o bildirib.
