Novruz bayramı günündə Bakıda orjinal mərasim təşkil edilib. Modern.az xəbər verir ki, paytaxtın Xətai rayonunun Əhmədli qəsəbəsində “Bütöv Azərbaycan tonqalı” yandırılıb.
Yeni yaradılmış Böyük Azərbaycan Ocaqları tərəfindən təşkil olunmuş bayram mərasimində ziyalılar, media təmsilçiləri, gənclər, Güney Azərbaycandan və Borçalıdan olan soydaşlarımız, həmçinin ətrafda yaşayan sakinlər iştirak edib. Bayram şənliyində Azərbaycanın bütövlüyünə həsr olunmuş plakatlar qaldırılıb, qara zurnanın sədaları altında gənclər “Yallı” gediblər. Böyük Azərbaycan Ocaqlarıının təmsilçisi Zahir Əlisoy çıxış edərək bildirib ki, bu mərasim simvolik xarakter daşıyır və Azərbaycanın tarixi ərazilərinin bütövlüyünə bir işarədir:
