“Xəzər” TV artıq iki studiyasının işini dayandırıb
Mayın 1-dən yerli televiziyalarda yayımlanan xarici teleserialların dayandırılması ilə əlaqədar bəzi telekanalların dublyaj studiyaları bağlanacaq.
Modern.az saytının məlumatına görə, növbəti aydan etibarən “Xəzər” TV-nin dublyaj studiyalarının ikisi də fəaliyyətini dayandıracaq. Artıq bu studiyaların işçilərinə mayın 1-dən işə gəlməmək göstərişi verilib. Saytımıza daxil olan məlumatda o da bildirilir ki, bu kanalda efirə gedəcək cizgi və sənədli filmlərin dublyajı müstəqil fəaliyyət göstərən prodakşnlarda aparılacaq.
Teleradio Şurasının mayın 1-dən etibarən əcnəbi teleserialların efirdən çıxarılması barədə qərarı televiziya rəhbərlərinin dublyaj studiyalarının saxlanmasına marağını azaldıb.
Modern.az
