Modern.az

İtaliyadan Dünya Azərbaycanlıları Konqresinə zərbə

İtaliyadan Dünya Azərbaycanlıları Konqresinə zərbə

Aktual

26 Aprel 2012, 14:49

Brüsselə birlik qurultayına getmək istəyənlərin heç birinə viza verilmədi

Aprelin 28-29-da Belçikanın paytaxtı Brüssel şəhərində Dünya Azərbaycanlıları Konqesinin Birlik Qurultayı keçiriləcək. Qurultaya Azərbaycandan da xeyli nümayəndənin iştirakı gözlənilirdi. Lakin Avropaya - şengen ölkələrinə səfər etmək üçün İtaliyanın Azərbaycandakı Səfirliyinə müraciət edənlərin heç birinə viza verilməyib. Bu barədə Modern.az-a viza üçün müraciəti rədd edilən qurultay nümayəndələri məlumat veriblər. Onların bildirdiyinə görə səfirlik 35-40 nəfərə imtina ilə bağlı eyni səbəb göstərib:

“Gedəcəyiniz şengen ölkəsini vaxt başa çatandan sonra tərk edəcəyinizə qəti əminlik yoxdur”.

Sözügedən DAK-ın təmsilçilərindən Səftər Rəhimlinin Modern.az-a açıqlamasına görə, hazırda onlar İtaliya Səfirliyinin bu qərarının nədən qaynaqlandığını araşdırırlar:

“Qurultayda iştirak üçün Fransa Səfirliyinə müraciət edənlərin demək olar ki, hamısına viza verilib. İtaliya Səfirliyinin bu qərarı bizim üçün də qaranlıqdır. Onların kiminsə sifarişini yerinə yetirib-yetirməməsi araşdırılacaq”.

S.Rəhimli müraciəti rədd edilənlərin qrup şəklində İtaliya Səfirliyini  məhkəməyə vermək niyyətində olduqlarını da əlavə edib.

 

Modern.az   

Youtube
Kanalımıza abunə olmağı unutmayın!
Keçid et
SON DƏQİQƏ! Türkiyəyə uçan Rusiya təyyarəsində bomba həyəcan