Səhhətilə bağlı dünən həbsdən azadlığa buraxılan Təhsil Nazirliyinin şöbə müdirin sabiq müavini Orxan Kərimov bu gündən müayinələrə başlayıb. Modern.az-a açıqlanma verən Orxan Kərimov bildirib ki, elə indi Mərkəzi Klinikadadır.
“Hal-hazırda klinakadayam, müayinələr gedir. Yəqin ki, ya bu gün, ya da sabah əməliyyat olunacam”- deyə qeyd edib.
Təhsil Nazirliyinin şöbə müdirinn sabiq müavini Orxan Kərimov əlavə edib ki, əməliyyat Azərbaycanda Mərkəzi Klinikada olacaq.
Qeyd edək ki, Orxan Kərimov barəsində seçilmiş həbs-qətimkan tədbiri dünən dəyişdirilib. Bu, iyunun 21-də məhkəmədə halı pisləşən O.Kərimov barəsində Prezident Administrasiyasına məruzə olunduqdan sonra baş verib. Administrasiyadan verilən göstərişdən sonra məhkəmə Orxan Kərimovun barəsində seçilmiş həbs-qətimkan tədbirinin dəyişdirilməsi və müalicəyə göndərilməsi barədə qərar qəbul edib.
Xatırladaq ki, O. Kərimov ürək ağrılarından əziyyət çəkir
Sevinc İLTİFATQIZI
