Bu gündən I ixtisas qrupu üzrə xüsusi qabiliyyət imtahanlarının keçirilməsinə başlanılıb. Tələbə Qəbulu üzrə Dövlət Komissiyasının(TQDK) mətbuat xidmətindən Modern.az-a verilən məlumata görə, imtahan komissiyasında qeydiyyatdan keçən abituriyentlər iyulun 24-dən 30-dək qabiliyyət imtahanı verəcəklər.
TQDK-dan bildirilib ki, qabiliyyət imtahanından müvəffəqiyyətlə keçməyən abituriyentlər I ixtisas qrupuna daxil olan digər ixtisasların müsabiqəsində iştirak edə biləcəklər. Bütün qruplar üzrə ixtisas seçimi abituriyentlərin qəbul imtahanlarında topladıqları ballar elan olunduqdan sonra avqustun 7-dən 16-dək internet vasitəsilə aparılacaq. İlkin nəticələrə əsasən 1256 abituriyent (xüsusi qabiliyyət tələb edən ixtisaslar üzrə müsabiqə iştirakçıları istisna olmaqla) müsabiqədə iştirak etmək hüququ qazanıb.
Anar RÜSTƏMOV
