London Olimpiadasında uğurla çıxış edən Azərbaycanın yunan-roma güləşçisi Emin Əhmədov da yarımfinala çıxdı.
74 kq çəki dərəcəsində mübarizə aparan Emin Əhmədov əsl əzmkarlıq nümayiş etdirib.
Belə ki, o, ¼ filada gürcü Zurab Datunaşvili ilə qarşılaşıb. Birinci hissədə gürcü idmançı güclü olub - 3:0. Amma ikinci hissədə Emin dönüş yaradaraq qalib gəlib - 3:0.
Üçüncü hissədə idmançımız əla çıxış edərək 4:0 hesabıyla inamlı qələbə qazanıb və yarımfinala yüksəlib. Onun yarımfinaldakı rəqib erməni idmançı Arsen Julfalakyand olacaq.
***
Çox təəssüf ki, Emin Əhmədov yarımfinalda erməni idmançısına 0:2, 0:3 hesabıyla uduzaraq, finala çıxa bilməyib.
Amma E.Əhmədov bir təsəlliverici görüşdə qələbə qazanmaqla Azərbaycana bürünc medal qazandıra bilər.
