Türkiyə Silahlı Qüvvələrinə məxsus Afyonkarahisar bölgəsində yerləşən cəbhəxanada baş verən partlayış nəticəsində 25 əsgər şəhid olub, 4 nəfər ağır yaralanıb. Modern.az xəbər verir ki, Türkiyə Silahlı Qüvvələrinin Baş Qərargahı yaydığı açıqlamada partlayışın sentyabrın 5-də yerli vaxtla saat 21.15-də baş verdiyini açıqlayıb. Partlayışın iş qəzası nəticəsində meydana gəldiyi qeyd edilir.
Afyonkarahisar bələdiyyə başçısı Burhanəddin Çoban terror versiyasını istisna edib: “Cəbhəxanada 5 gündür hərbi sursatın sayılması proseduru həyata keçirilirdi. Bu gün proses yekunlaşacaqdı. Bu bölgə çox ciddi mühafizə olunur. Terror olması mümkün deyil”.
Modern.az
