Sabiq baş nazir Sürət Hüseynov hazırda Gəncədədir. Bu barədə Modern.az-a Sürət Hüseynovun vəkili Rövşən Yusifov məlumat verib. Vəkil bildirib ki, S.Hüseynovu dəfələrlə polisə çağırıblar amma o getməyib, buna görə də oğlu Nail Hüseynovu tutublar.
Rövşən Yusifov onu da bildirib ki, bəzi güc strukturlarının yerli rəhbərləri Sürət Hüseynovun Azərbaycana qayıtmağından əsassız narahatlıq keçirərək, özlərini yuxarıların gözündə peşəkar simasında göstərmək niyyətilə sabiq baş nazirə qarşı təzyiq kampaniyasına başlayıblar.
Qeyd edək ki, sabiq baş nazir Sürət Hüseynovun oğlu Nail Hüseynov sentyabrın 10-da Gəncə şəhər Baş Polis İdarəsi tərəfindən “xırda xuliqanlıq və sərxoş vəziyyətdə ictimai yerdə asayişi pozduğuna görə 12 sutka azadlıqdan məhrum edilib”.
Uzun müddətdir Rusiyada olan Surət Hüseynov bu günlərdə Azərbaycana qayıdıb.
Mail Ağaxanov
