Azərbaycan Daxili İşlər Nazirliyinin idarə rəisi işdən çıxarılıb. Modern.az bildirir ki, bu barədə APA-ya nazirlikdən məlumat verilib.
Məlumata görə, DİN-in Tibb İdarəsinin rəisi, polis polkovniki Bəhruz Səfərəliyev daxili işlər orqanlarında xidmət keçmə müddəti başa çatdığı üçün təqaüdə göndərilib. 60 yaşının tamam olması münasibəti ilə daxili işlər naziri, general-polkovnik Ramil Usubov tərəfindən qəbul edilən B. Səfərəliyev fəxri fərman və medallarla təltif edilib.
