Türkmənistanda saxlanılan Azərbaycana məxsus gəminin 4 heyət üzvünün taleyinin araşdırılması istiqamətində Azərbaycanın Türkmənistandakı səfirliyi tərəfindən işlər aparılır. Bu barədə Modern.az saytına Xarici İşlər Nazirliyinin mətbuat xidmətinin rəhbəri Elman Abdullayev məlumat verib. “Bu istiqamətdə səfirliyə tapşırıqlar verilib və səfirlik tərəfindən iş aparılır. Hələ ki, bir yenilik yoxdur. Araşdırma, danışıqlardan sonra müvafiq addımlar atılacaq”.
Qeyd edək ki, , oktyabrın 21-də göyərtəsində 4 nəfər Azərbaycan vətəndaşının olduğu və Azərbaycan bayrağı altında üzən “Uran” gəmisinin Xəzərin neytral sularında Türkmənistan ərazi sularından 35 km aralıda kilkə balığı ovlayarkən saxlanılıb.Türkmənistan tərəfi isə Azərbaycan gəmisinin qanunsuz olaraq sərhədi pozduğunu iddia edir. Türkmənistanda saxlanılan Azərbaycan vətəndaşlarının ailələrinə verilən məlumata görə, iki həftə ərzində onların məhkəməsi olacaq.
Nihadə Eyyubova
