Modern.az

Büdcəni oğurlayan məmurlar belə cəzalandırılacaq - SƏRƏNCAM

Büdcəni oğurlayan məmurlar belə cəzalandırılacaq - SƏRƏNCAM

30 Aprel 2016, 12:03

Azərbaycan Prezidenti İlham Əliyev büdcə oğrularının sərt cəzalandırılması ilə bağlı Cinayət Məcəlləsinə təklif edilən dəyişiklikləri təsdiqləyib

Modern.az saytının məlumatına görə, ölkə başçısının sərəncamı ilə təsdiqlənən dəyişiklik Azərbaycan Respublikasının Cinayət Məcəlləsinə 308-1-ci maddə adı aldında daxil edilib.

Bu maddə “Dövlət büdcəsinin, məqsədli büdcə fondlarının və ya büdcədənkənar dövlət fondlarının vəsaitindən təyinatı üzrə istifadə etməmə” adlanır.

Maddədə aşağıdakılar nəzərdə tutulur:
308-1.1. Dövlət büdcəsinin, məqsədli büdcə fondlarının və ya büdcədənkənar dövlət fondlarının vəsaitindən təyinatı üzrə istifadə etməmə, bu əməllər xeyli miqdarda törədildikdə -
səkkiz min manatdan on min manatadək miqdarda cərimə edilməklə üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum etmə, yaxud üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə üç ilədək müddətə azadlıqdan məhrum etmə ilə cəzalandırılır.
308-1.2. Eyni əməllər külli miqdarda törədildikdə -
üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə üç ildən altı ilədək müddətə azadlıqdan məhrum etmə ilə cəzalandırılır.
Qeyd: Bu Məcəllənin 308-1.1-ci maddəsində “xeyli miqdar” dedikdə əlli min manatdan iki yüz əlli min manatadək olan məbləğ, 308-1.2-ci maddəsində “külli miqdar” dedikdə isə iki yüz əlli min manatdan yuxarı olan məbləğ başa düşülür.”.

Modern.az
Facebook
Dəqiq xəbəri bizdən alın!
Keçid et
Bakıdan Ermənistana xəbərdarlıq: Kəndləri boşaldın,ya da...