Arxiv
18 Yanvar 2019, 15:10 | DİASPOR
Ukraynada azərbaycanlılar birləşdi - Kiyevdə qurultay keçiriləcək  

Dünən Kiyev şəhərində Ukrayna Azərbaycanlıları Birləşmiş Diasporunun ofisində 20 Yanvar faciəsinin 29-cu ildönümü ilə bağlı tədbir keçirilib.  Kiyev Azərbaycanlıları Konqresinin Kiyev şəhər təşkilatı, Ukrayna Azərbaycanlıları Birləşmiş Diasporu və Birləşmiş Ukrayna Azərbaycanlıları Konqresinin birgə təşkil etdiyi tədbirdə Ukrayna rəsmi dairələrinin nümayəndələri, bu ölkədəki Azərbaycan diasporunun rəhbərləri və fəalları, hər iki ölkənin tanınmış elm və mədəniyyət nümayəndələri,  eləcə də yerli və  xarici mətbuatın təmsilçiləri iştirak edib. 
20 Yanvar faciəsi qurbanlarının xatirəsi bir dəqiqəlik sükutla yad edilib və hadisələrlə bağlı sənədli film nümayiş olunub. Daha sonra tədbiri təşkil edən təşkilatların rəhbərləri - Oleq Krapivin, Hikmət Cavadov, Rövşən Tağıyev və digərləri çıxış edərək qanlı Yanvar hadisələri ilə bağlı təəssüratlarını bölüşüblər.

 
Tədbirlə bağlı diqqət çəkən əsas məqamlardan biri uzun müddət aralarında umu-küsü olan  diaspor təşkilatlarının rəhbərlərinin bir araya gəlməsidir.

Qeyd etmək lazımdır ki, Ukraynadakı diaspor təşkilatlarımızın uzun illərdən sonra birlik nümayiş etdirməsi Azərbaycan Respublikasının Diasporla İş üzrə Dövlət Komitəsinin rəhbərliyindəki dəyişiklikdən sonra gerçəkləşib. Xatırladaq ki, 2018-ci ilin aprelində Dövlət Komitəsinə sədr təyin olunan Fuad Muradov ölkə xaricinə ilk səfərlərindən birini Ukraynaya etmişdi. Məhz həmin səfər müddətində Hikmət Cavadovun başçılıq etdiyi Ukrayna Azərbaycanlıları Birləşmiş Diasporu və Rövşən Tağıyevin rəhbərlik etdiyi Birləşmiş Ukrayna Azərbaycanlıları Konqresi arasında Dövlət Komitəsi rəhbərliyinin təşəbbüsü ilə barışıq əldə olunmuşdu. İki böyük təşkilatı arasındakı soyuq münasibətə son qoyulması Ukrayna azərbaycanlıları diasporunun gələcəyi üçün optimist və təsirli fəaliyyət vəd edirdi.

Və artıq budur, ötən ilə kimi 20 Yanvar tədbirlərini ayrı-ayrılıqda keçirən Ukraynadakı Azərbaycan təşkilatları dünən gözlənilən müsbət fəaliyyəti nümayiş etdirdilər.

Bu, Diasporla İş üzrə Dövlət Komitəsi rəhbərliyinin uğurlu siyasətinin bariz nümunəsi idi.

Modern.az saytının əməkdaşı hər iki təşkilat rəhbərinin tədbirlə bağlı fikirlərini öyrənib.

Ukrayna Azərbaycanlıları Birləşmiş Diasporunun (UABD) sədri Hikmət Cavadov tədbirin əhəmiyyətini yüksək qiymətləndirib:

“Rövşən Tağıyevin sədri olduğu Birləşmiş Ukrayna Azərbaycanlıları Konqresi və Ukrayna Millətlər Assambleyası ilə mənim rəhbərlik etdiyim Ukrayna Azərbaycanlıları Birləşmiş Diasporu Koordinasiya Şurasının yaradılması ideyasından irəli gələrək, tədbirləri bir yerdə keçirmək barədə düşünürük. Bura milli və dövlət əhəmiyyətli, Diasporla İş üzrə Dövlət Komitəsinin layihələrinə uyğun olan  tədbirlərin birgə keçirilməsi daxildir. Bu da normaldır. Eyni zamanda, ayrı-ayrılıqda isə təşkilatlar öz fəaliyyətləri ilə məşğuldurlar. Deyə bilərəm ki,  təşkilatlar arasında koordinasiyanı gücləndirmişik.

Dünən diasporun baş qərargahında 20 Yanvar hadisələri ilə bağlı tədbir keçirdik. Çıxışlarımızda barışığı, birliyi təbliğ etdik. Həmçinin, Ukrayna Azərbaycanlılarının Koordinasiya Şurasının yaradılması ilə bağlı fikirlərimizi təsdiqləmək üçün layihələrimizi davam etdirəcəyik.
Hələlik Koordinasiya Şurasının toplantısı keçirilməyib. Hazırda ona hazırlıqlar gedir. Çünki sırf Koordinasiya Şurası adlanmayacaq. Güman ki, bu ilin əvvəlində bu işlərə müvəffəq olacağıq. Diasporla İş üzrə Dövlət Komitəsinin təkliflərini gözləyirik. Ümid edirik ki, yaxın zamanlarda  bu məsələ həll olunacaq”.
 

Birləşmiş Ukrayna Azərbaycanlıları Konqresinin (BUAK) sədri, Ukrayna Millətlər Assambleyasının (UMA) prezidenti Rövşən Tağıyev də dünənki görüşün gələcək planların əsas hissəsi olduğunu bildirib:

“Son bir neçə ay ərzində Azərbaycan diasporasında yeni mərhələ başlayıb. Son 6 ildə Azərbaycan diaspor nümayəndələri arasında yaşanan çəkişmələr aradan qaldırılıb. Fuad Muradov komitəyə sədr təyin olunandan sonra Ukraynada toplantımız oldu və qərara gəldik ki, hər iki təşkilatın nümayəndələrinin iştirakıyla birgə İşçi Qrupu yaradılsın və bu İşçi Qrup Ukrayna Azərbaycanlılarının Koordinasiya Şurasını yaratmaq layihəsi üzərində işləsin. Koordinasiya Şurası olmasa da, başqa bir yenilik edək. Məsələn, Ukrayna Azərbaycanlıları Şurası yaradaq. Çünki Ukraynada məsələlər bir qədər başqa cürdür. Ukrayna Azərbaycanlıları Birləşmiş Diasporunun sədri Hikmət Cavadov, Birləşmiş Ukrayna Azərbaycanlıları Konqresinin sədri, Ukrayna Millətlər Assambleyasının prezidenti olaraq mən və digər təşkilatlar birgə memorandum imzalayacağıq. Memorondumda əməkdaşlıq məsələləri qeyd olunacaq. Diasporla İş üzrə Dövlət Komitəsi ilə sıx əlaqələrimiz mövcuddur. Təbii ki, bu ayın sonuna qədər Dövlət Komitəsindən bura səfər edəcəklər və yekun toplantımız baş tutacaq.
İşçi Qrupu bir neçə aydır ki, çalışır, müzakirələr gedir. Mart-may ayları ərəfəsində qurultay keçirilməsi gözlənilir. Hesab edirəm ki, bu çox yaxşı ideyadır. Ukraynada Azərbaycan lobbisinin yaranması üçün ən azı azərbaycanlılar arasındakı qarşıdurmalar aradan qaldırılmalıdır. Demək olar ki, buna  nail olmuşuq. Azərbaycanlılar arasında sülh və barış olmalıdır ki, konstruktiv işlərimizi həyata keçirə bilərik. Hesab edirəm ki, diaspor təşkilatlarımıza yeni kadrlar gəlməlidir. Çünki hər iki dövlət 27 ildir ki, müstəqildir. Həmçinin, Ukraynada azərbaycanlılar çoxdur. Onların diaspor sahəsinə gəlməsinə çalışırıq. Bunun üçün gənclərlə söhbətlər aparıram”.

BU KATEQORİYADAN OLAN DİGƏR XƏBƏRLƏR
+ Arxiv
“Barselona” səfərdə xal itirdi 1 Noyabr 2020, 01:54 Pep Qvardiola “Barselona”ya qayıdır? 1 Noyabr 2020, 01:46 Cəbhə gündəliyi: 31 oktyabrda nələr oldu... 1 Noyabr 2020, 01:40 Gəncədə evdən kişi meyiti tapıldı 1 Noyabr 2020, 00:59 10 yaşlı braziliyalıdan Azərbaycan ordusuna dəstək - FOTO 1 Noyabr 2020, 00:48 Dünyada bir gündə rekord sayda yoluxma baş verdi 1 Noyabr 2020, 00:41 Avropanın bu ölkəsində də karantin elan edildi 1 Noyabr 2020, 00:29 Bakılı Olimpiya çempionu Almaniyada baş məşqçi təyin olundu 1 Noyabr 2020, 00:15 Paşinyan bu gecə Şuşa Qalasından yerə çırpılmış olacaq 1 Noyabr 2020, 00:07 Abşeronda 11 yaşlı uşaq bıçaqlandı 1 Noyabr 2020, 00:01 İranda yenidən karantin rejimi tətbiq olunacaq 31 Oktyabr 2020, 23:53 İzmirdəki zəlzələdə ölənlərin sayı artdı - YENİLƏNİB 31 Oktyabr 2020, 23:41 İngiltərədə bir aylıq karantin elan edildi 31 Oktyabr 2020, 23:38 “Siz başa düşmürsünüz ki, vay bizim halımıza?!” - Levon Ter-Petrosyan 31 Oktyabr 2020, 23:20 Baş Prokurorluğun cinayət işi açdığı separatçı Gürcüstan vətəndaşlarını döyüşə çağırır - FOTO 31 Oktyabr 2020, 23:04 Ermənistan ərazisinin atəşə tutulması xəbəri tamamilə yalandır - Müdafiə Nazirliyi 31 Oktyabr 2020, 22:48 Soydaşlarımız Gürcüstandakı seçkilərdə aşağı fəallıq göstərdilər 31 Oktyabr 2020, 22:46 “Paşinyanın məntiqsiz davranışı hər gün daha çox qurbanlara səbəb olur” 31 Oktyabr 2020, 22:35 “Vətəndaşlara dəyən bütün maddi ziyan dövlət tərəfindən ödəniləcək” 31 Oktyabr 2020, 22:21 “Qalatasaray” 3-cü pilləyə yüksəldi 31 Oktyabr 2020, 22:11 “Gürcüstanda hakimiyyət dəyişir” - Saakaşvili 31 Oktyabr 2020, 22:00 Ərdoğanın sözçüsü koronavirusa yoluxdu 31 Oktyabr 2020, 21:50 Əlcəzair milli bayramını qeyd edir 31 Oktyabr 2020, 21:39 Türkiyədən “Şarli Hebdo”ya ETİRAZ: “İki milyarda yaxın müsəlmana hörmətsizlikdir” 31 Oktyabr 2020, 21:28 Müdafiə Nazirliyi nümunəvi minaatanlarımızın görüntülərini yaydı - VİDEO 31 Oktyabr 2020, 21:09 Ərdoğan zəlzələ bölgəsinə getdi 31 Oktyabr 2020, 21:02 “Gürcü Arzusu” qələbəsini qeyd edir 31 Oktyabr 2020, 20:55 İstanbulda “Qarabağ Azərbaycandır” deyildi - FOTO 31 Oktyabr 2020, 20:48 “Karikaturaların dərc edilməsinin tərəfdarı deyiləm” - Makron 31 Oktyabr 2020, 20:39 Şotlandiyada Ermənistanın müharibə cinayətlərinə qarşı etiraz aksiyası keçirilib - FOTO 31 Oktyabr 2020, 20:27 Azərbaycanlı şirkət rəhbəri “McDonald’s”a görə xalqı təhqir edir - FOTO 31 Oktyabr 2020, 20:01 İşğaldan azad edilən ərazilərdə sosial müdafiə proqramları icra olunacaq - Nazir 31 Oktyabr 2020, 19:56 Atan Heydərin çörəyi, anan Zərifə xanımın südü sənə halal olsun!!! 31 Oktyabr 2020, 19:51 Ermənistanın qadağan olunmuş silahdan istifadə etməsinə qarşı QHT-lərin BƏYANATI 31 Oktyabr 2020, 19:47 Vaaqn Çaxalyan barəsində beynəlxalq axtarış elan edilib 31 Oktyabr 2020, 19:27