Nazirlər Kabineti “Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında” qərarda dəyişiklik edib.
Modern.az xəbər verir ki, bu dəyişiklik nəticəsində Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun və Azərbaycan Respublikasının Prezidenti yanında Elmin İnkişafı Fondunun işçilərinin aylıq vəzifə maaşları artırılıb.
Bu qərar 2019-cu il sentyabrın 1-dən qüvvəyə minir.
Kütləvi İnformasiya Vasitələrinin İnkişafına Dövlət Dəstəyi Fondunun və Elmin İnkişafı Fondunun işçilərinin aylıq vəzifə maaşları:
1. İcraçı direktor 1980 manat
2. Aparat rəhbəri, müşavir 1540 manat
3. Baş mühasib 1450 manat
4. Sektor müdiri 1370 manat
5. Baş məsləhətçi 1255 manat
6. Aparıcı məsləhətçi 1030 manat
7. Məsləhətçi, hüquqşünas, informasiya texnologiyaları üzrə mütəxəssis 930 manat
8. Avtomobil sürücüsü 460 manat