Arxiv
26 Oktyabr 2019, 10:16 | ƏDƏBİYYAT
Adıqara

Rafiq Həsənov,
veteran jurnalist


Onunla həm qonşuyam, həm də ötənlərdə eyni müəssisədə çalışmışıq. Bir vaxtlar illərlə ona-buna yalvardı, dil tökdü. Haralara nələrsə boyun aldı, dəridən-qabıqdan çıxdı ki, onun Kommunist Partiyasına üzv olmasına kömək göstərilsin. Birini zinhar edirdi ki, ona zəmanət versin, digərinə qılıqlanırdı ki, guya Sov.İKP Proqram və Nizamnaməsini ondan yaxşı bilən, bu partiyanın taktika və strategiyasını ondan ustalıqla həyata keçirən tapılmaz. Yəni ki, həmin bu Adıqara Sov.İKP üzvlüyünə çox layiqli kommunist ola bilər. Əlqərəz, Adıqara Kommunist Partiyasına qəbul olundu.

Bir qədər ötəndən sonra “sədaqətli” kommunist Adıqara hansı yollasa bu partiyanın yerli təşkilatının katibi də “seçildi”. Amma daldada, orda-burda dil-dil ötərək SSRİ-nin kölgəsini qılıncladı:
– Belə də ölkə, belə də quruluş olar? İşçiyə də 100 manat maaş verərlər? Vallah, vaxt gələcək bu ölkənin ərazisini Çin səddi, Berlin divarları kimi hasara alacaqlar ki, onun adamları, qayda-qanunu kənara çıxmasın, digər məmləkətlərə sirayət edilməsin! Çox təhlükəlidir bu dövlət, – deyib boğaz yırtırdı... 

Amma özü ürəyində tutduğu yoldaydı. Təşkilat üzvlərindən topladığı partiya üzvlük haqqı pullarını bank hesabına köçürmək əvəzinə şəxsi işlərinə ata malı kimi xərclədi. Vəziyyət aşkarlananda kommunistlər iclasa toplaşıb onun məsələsini prinsipiallıqla müzakirə etdilər. Xəyanətə, etimadsızlığa görə onu partiya üzvlüyündən, tutduğu vəzifədən kənarlaşdırmaq qərarına gəldilər. Lakin Adıqara heç nəyə məhəl qoymadı, hamının üzünə dirəndi. Nəinki könüllü, heç ümumi partiya iclasında qəbul edilmiş qərarı da saymayıb vəzifədən getmədi. Axırda müəssisənin kommunist olmayan əməkdaşları da yığışıb “Adıqaranın kabineti”nin qapısını mismarladılar.

Ölkədə müxalifətçilik yarananda Xalq Cəbhəsinə qatıldı Adıqara. Hər yerdə, – mən demokratam, Sov.İKP-dən imtina etmişəm, – söylədi. Ona burada da inandılar. Cildini dəyişdi, lakin adamlar arasında intriqa yaratmaq xislətini dəyişmədi, hətta bu əməllərini daha da genişləndirdi. Bax bu fəaliyyəti və canfəşanlığı sayəsində neçə-neçə həmrəy insan bir-birinə düşmən kəsildi.

Elə ki, Adıqaranın çirkin əməlləri faş oldu, bir partiyadan digərinə, bir qruplaşmadan başqa birinə adlamağı özünə peşə seçdi. Bəhanəsi də belə oldu: “Əvvəlki partiyanı bəyənmədiyim filankəs maliyyələşdirir”, “o birində xoşum gəlməyən rəqibim üzvdür”, “yeni daxil olduğum partiyanın xətti ürəyimcə deyil” və sair. Yəni mövsümün dəyişməsiylə, günəşin çıxmasıyla, külək əsməsiylə, yağmurla əlaqədar olaraq qiyafə kimi dondan-dona girdi. Kommunistlər arasına düşəndə özünü “yoldaş”, cəbhəçilərin yanında “bəy”, məclislərdə “müəllim”, rəsmilərə rast gələndə ”cənab” kimi apardı.

Aradabir həyətdə, məhəllədə rastlaşırıq. Dərhal yaşı 70-i ötmüş ləyaqətli bir idarə rəhbərinin adını çəkib gileylənməyə, narazılıq etməyə başlayır: - Bu yaşda da adamdan rəhbər olar? Onu çıxarıb yerinə mənim kimisini təyin eləsinlər də, – deyir. Cavab verib bildirirəm: – Bacarıqla, ədalətlə işləyirsə, xalqa, vətənə fayda verirsə niyə də olmasın? Elə ölkələrin adını sadalayıram ki, Adıqara onları əsl azad, demokratik dövlət adlandırır. Məhz həmin məmləkətlərin bəzilərində dövlət başçılarının sinni nəinki 70-i, hətta 80-i də ötüb. Buna baxmayaraq belə qocaman rəhbərlər dövləti normal idarə edirlər, – deyirəm. Etiraz eləyir: – Yox! Mən onları nəzərdə tutmuram. Ölkə rəhbəri gənc, enerjili olmalıdır! – söyləyir. Vaxt gəldi İlham Əliyev Azərbaycan Respublikasının Prezidenti seçildi. Bu dəfə Adıqara qabağımı kəsib, – bu yaşda cavandan hökmdar olar? – dedi. Niyə olmaz? – soruşdum, – sözümə davam elədim: - Əvvəla “hökmdar” başqadır, prezident başqa. İkincisi də məgər tarixdən gənc, lap elə yeniyetmə şəxsin dövlət başçısı olmasını oxumamısan? Biri elə lap erkən yaşlarından hakimiyyətə gələn, istedadı və bacarığı ilə Azərbaycan dövlətçiliyi tarixinə şərəf gətirmiş Şah İsmayıl Xətai necədi səninçün? – söylədim.

Bir dəfə Adıqaranı televiziya verilişində gördüm. Odlu-alovlu danışır, kimisə prokuror sayağı ittiham eləyib deyirdi ki, adamın bir sifəti olar. Teleşərhçi onun kimliyindən xəbərdar olduğundan soruşdu:
– Bildiyimə görə siz əvvəllər kompartiyanın və daha bir neçə partiya və qruplaşmanın üzvü olmusunuz. Hazırda hansı ideologiyaya xidmət edirsiniz? “Sədaqətli”, “birsifətli” Adıqara söylədi:
– Mən demokrat adamam, hələ ürəyimcə olan ideyaya xidmət eləyən partiya yoxdur, ona görə hələ heç bir partiyada yoxam!?.

Bir neçə ay bundan öncə Adıqaranı məsciddən qayıdan gördüm. Mollalar sayağı saqqal saxlamışdı, əlində təsbeh vardı. Axund Əhmədi görcək ona yanaşdı. Sağ əlini sinəsinə qoyub təzim elədi, axundla iki əllə görüşdi. Davranışıyla axunda bildirmək istədi ki, mən sizinləyəm. Görünür könlündən “məşədi”, “kərbəlayi” və ya “hacı” adlarını mənimsəmək xülyası keçir. 
Sonrakı gün qarşıma tamam başqa qiyafədə çıxdı: saqqalını taraş elətdirmiş, təzə qara kostyum geymiş, ağ köynəyinin üstündən alabəzək qalstuk bağlamışdı. Uzaqdan səsləndi: Gördün Ukraynada Maydandakılar neynədilər? Kreşşatiki də tutdular. İrəli, ukraynalılar sayaq! Avropa Birliyinə! Avrointeqrasiyaya doğru! –deyib qəribə avazda car çəkdi...

Hər işdən narazı Adıqara qışda soyuqdan, yayda istidən şikayətçi, gileylidir. Yel əsəndə küləyi lənətləyir, yağış, qar olanda göy üzünü qarğıyır. Qarşısına tanış-bilişdən kimsə rast gəlsə güzarandan, sağlamlığından elə söhbət açır, deyirsən o, sağlamlıq durumu cəhətdən dünyanın ən nasaz, talesiz kimsəsidir. Dilinə xoş söz gətirməz. Biri desə ki, gül dərəndə barmağıma tikanı batıb, onun sözünü ağzında kəsər: – Ə, sən yaxşısan, mənim ayağımı balta kəsib, – deyər. Ürəyimdən keçir ki, bu “bəxti qara” Adıqaranın dilini xeyir sözə öyrədim, ağzından bir kərə xoş söz eşidim. O səbəbdən söyləyəcəm: – Barmağım bala batıb! Görən bunun müqabilində deyər ki, ağzım bala batıb? Düşünürəm, belə desə söyləmələri də şirin, xoşniyyət olar!

BU KATEQORİYADAN OLAN DİGƏR XƏBƏRLƏR
+ Arxiv
PSİXOLOQ MƏSLƏHƏTİ:  “Qaynar xətt” yaradılsın – KARANTİNİN 18-Cİ GÜNÜ 10 Aprel 2020, 01:38 OPEC+ razılaşdı: Gündəlik hasilat 10 milyon barel azaldılacaq 10 Aprel 2020, 00:59 Boris Conson palataya köçürüldü 10 Aprel 2020, 00:53 Bakıda motosiklet piyadanı vurdu 10 Aprel 2020, 00:36 ABŞ-da koronavirusdan ölənlərin sayı 16 374-ə çatdı 10 Aprel 2020, 00:17 Tanınmış akademik dünyasını dəyişdi 9 Aprel 2020, 23:59 İngiltərədə koronavirusdan bir gündə 881 nəfər öldü 9 Aprel 2020, 23:56 NATO-nun keçmiş baş katibi koronavirusdan sağaldı 9 Aprel 2020, 23:46 Fransada koronavirus 12 210 can alıb 9 Aprel 2020, 23:27 Azərbaycanda daha 3656 nəfər koronavirusla bağlı test olundu 9 Aprel 2020, 23:15 Bakı-Şamaxı yolunda ağır qəza 9 Aprel 2020, 23:05 Deputatın təşkilatı 20 tənhanın ərzaq təminatını üzərinə götürdü 9 Aprel 2020, 22:53 Sonu görünməyən, ağıla gəlməyən  tənəzzül – NAZARBAYEVDƏN ÖZ XALQINA MƏKTUB 9 Aprel 2020, 22:37 Heydər Əliyev Mərkəzindən Rusiyaya həmrəylik mesajı - VİDEO 9 Aprel 2020, 22:23 İşsizlərə şad xəbər: 10 000 nəfər üçün ÖDƏNİŞ EDİLİB 9 Aprel 2020, 22:18 “Rusiya Dağlıq Qarabağı müstəqil ölkə kimi tanımır” - Mariya Zaxarova 9 Aprel 2020, 21:53 Bu ölkədə koronavirus 18 279 nəfərin həyatına son qoydu 9 Aprel 2020, 21:36 Türkiyədə 3 Azərbaycan vətəndaşı koronavirusa yoluxub 9 Aprel 2020, 21:21 Türkiyədə koronavirus qurbanlarının sayı 908-ə çatdı 9 Aprel 2020, 21:08 Hərbi qulluqçular yaşı 65-dən yuxarı şəxslərə yardım çatdırıblar 9 Aprel 2020, 20:44 ATƏT PA-nın Bürosu Dağlıq Qarabağdakı “seçkiləri” ictimai sağlamlığa təhlükə adlandırdı 9 Aprel 2020, 20:27 Fəzail Ağamalıdan etiraz: VİDEONU KƏSİB BİZİ HƏDƏFƏ GÖTÜRÜBLƏR 9 Aprel 2020, 20:12 Koronavirusdan zərər çəkən sahibkarlara yardım edilməsinə başlanıldı 9 Aprel 2020, 20:01 Rusiya və Səudiyyə Ərəbistanı neft hasilatının azaldılmasına RAZILAŞDI 9 Aprel 2020, 19:52 Gürcüstanda daha 7 nəfərdə COVİD-19 tapıldı 9 Aprel 2020, 19:41 Karantindən buraxılan tələbə: “Gələn dəfə “Relax”a istirahətə gəlmək ümidi ilə...” - VİDEO 9 Aprel 2020, 19:37 “OPEC+” ölkələrinin nazirlərinin videokonfransı başladı - Neft BAHALAŞACAQ? 9 Aprel 2020, 19:29 UNEC brendi Xorvatiyada da tanındı 9 Aprel 2020, 19:24 Yol polisindən paytaxt sakinlərinə müraciət: Sağlamlığınıza biganə qalmayın 9 Aprel 2020, 19:16 Vasif Talıbovdan yeni kadr təyinatı 9 Aprel 2020, 19:09 Qazaxda 68, Tovuzda 71 nəfər cərimələndi - Karantin rejimini pozduğuna görə 9 Aprel 2020, 18:54 İlham Əliyevin təşəbbüsü ilə Türk Şurasının fövqəladə zirvə görüşü keçiriləcək 9 Aprel 2020, 18:46 İşsizlərə birdəfəlik ödəməyə görə ən çox yaranan sualların CAVABLARI 9 Aprel 2020, 18:40 Azercell dünyanın ən çox baxılan televiziya kanalarını təqdim edir 9 Aprel 2020, 18:33 Koronavirusdan ölənlərin sayı 90 minə ÇATDI 9 Aprel 2020, 18:30