Arxiv
31 Oktyabr 2019, 15:52 | PARLAMENT
“ABŞ əgər ədalətdən danışırsa, Xocalı soyqırımını tanısın” - Deputatlar

Oktyabrın 30-da ABŞ Konqresinin Nümayəndələr Palatası Osmanlı İmperiyasında 1915-ci il hadisələrini “erməni soyqırımı” kimi tanıyan 296 saylı qətnamə qəbul edib.

 

Konqresdə bu məsələ ilə bağlı müzakirələr ərəfəsində Türkiyənin Vaşinqtondakı səfiri Sərdar Kılıc qətnamənin Türkiyə ilə Birləşmiş Ştatlar arasında siyasi münasibətlərə xələl gətirəcəyi barədə xəbərdarlıq edib.

 

Maraqlıdır, qətnamənin qəbul edilməsinin səbəbləri nədir və bu hansı nəticələrə səbəb ola bilər? Həmçinin qondarma erməni soyqırımından fərqli olaraq, törədilməsi faktlara əsaslanan Xocalı soyqırımı ABŞ Konqresində niyə tanınmır?

 

Modern.az məsələ ilə bağlı Milli Məclis deputatlarının fikirlərini öyrənib.

 

Deputat Asim Mollazadə deyir ki, ABŞ Konqresi tarixçilərin məsələsini siyasiləşdirərək əslində çox səhv addım atıb.

“ABŞ-Türkiyə  münasibətlərinin pozulmağını çox mənfi qiymətləndirirəm. İki müttəfiq ölkənin münasibətlərində belə bir problemin yaranmağı və sonda “erməni soyqrımı”nın qəbul edilməsi qeyri-düzgün bir qərardır. Bunun bizim tərəf üçün təbii ki, mənfi təsiri çox olacaq. Soyqırımla bağlı qərar şantaj xarakteri daşıyır.  Bununla yanaşı onu da demək istəyirəm ki, artıq Türkiyəni heç nə ilə şantaj edə bilməyəcəklər. Qərarın qəbul edilməsi Amerika tərəfinə daha mənfi təsir edəcək, nəinki Türkiyəyə. Qərar ABŞ Konqresində qəbul edildiyi üçün çalışmaq lazımdır ki, Xocalı soyqırımının tanıdılması üçün də işlər getsin”.

 

Deputat Musa Qasımlı isə hesab edir ki, ABŞ Nümayəndələr Palatası bu addımı atmaqla qisas almaq istəyir.

“Nümayəndələr Palatasının uydurma “erməni soyqırımı"na dair qətnamə qəbul etməsi qəti şəkildə tarixi gerçəklikləri əks etdirmir. Çünki erməni soyqırımı deyilən bir hadisə olmayıb. Nümayəndələr Palatasının üzvləri bu qərarı qəbul etməmişdən əvvəl yaxşı olardı ki, 20-ci illərin əvvəllərində ABŞ-ın İstanbulda olmuş ali komissarı Bristolun yazdığı məktubları oxuyardılar. Nümayəndələr Palatasının üzvləri tarixçilərin rolunu öz üzərilərinə uğursuz bir şəkildə götürüblər. Bu addım tarixin saxtakarlıqla siyasiləşdirilməsidir. Soruşula bilər ki, belə bir addımın atılmasının səbəbi nədir ? Bu hər şeydən əvvəl Türkiyənin “Böyük Orta Şərq” layihəsini pozması ilə bağlıdır. Bu qərarı qəbul edənlər Türkiyənin sərhədində terror dəhlizi yaratmasına qarşı hərbi əməliyyatlar keçirməsi üçün qisas almaq istəyirlər. Lakin qəribədir ki, bundan bir neçə gün əvvəl ABŞ rəsmiləri Ankarada bu məsələ ilə bağlı razılaşmışdılar ki, Türkiyə hərbi əməliyyatları dayandıracaq və hansı proseslər gedəcək. İkincisi, ABŞ Nümayəndələr Palatasının üzvləri Rusiya-Türkiyə yaxınlaşmasından narahatdırlar”.

 

Millət vəkili bildirir ki, Xüsusilə Türkiyənin Rusiyadan S-400 raket sistemini alması ABŞ-da narahatlıq yaradır.

“Bu qətnamənin qəbul edilməsi ABŞ və Türkiyə arasındakı müttəfiqlik ruhuna qətiyyən uyğun gəlmir. Çünki hər iki ölkə NATO-da müttəfiqidir və Türkiyə NATO-nun cənub qanadıdır. Əgər NATO üzvü olan Türkiyənin təhlükəsizliyi təhdid altına düşərsə, o zaman bütövlükdə NATO ölkələri üçün təhlükə yarana bilər. Çox təəssüf ki, Nümayəndələr Palatası bəzi lobbi qruplarının təsiri altındadır. Türkiyə dövləti və milləti tarixdə olmayan “erməni soyqırımı”na dair hər hansı bir ölkədə qəbul edilən qətnaməni qətiyyən qəbul etməyəcək və belə qətnamələr onlar üçün “yox” hökmündədir. Uydurma erməni soyqırımına dair qətnamə qəbul edənlər bilməlidir ki, tarixdə bu cür soyqırım olmayıb, bu tip soyqırım Xocalıya qarşı törədilib. Ermənistan Xocalıda dinc əhalini soyqırıma məruz qoymaqla dövlət səviyyəsində bəşəriyyətə və sivilizasiyaya qarşı cinayət törədib. Hesab edirəm ki, soyqırımdan danışanlar videogörürüntüləri, şəkilləri və ən əsası şahidləri olan Xocalı soyqırımını unutamamalıdırlar”, - deyə M.Qasımlı bildirib. 

 

Deputat Elman Məmmədov deyir ki, tarixi oxuyan hər kəs, istər amerikalı istər rusiyalı, istərsə də almaniyalı bilir ki, “erməni soyqırımı” deyə bir anlayış yoxdur.

“Ermənilər  Türkiyə, Cənubi Qafqaz, hətta Orta Asiyada belə soyqırımlar törədiblər. Türkiyə Cümhuriyyətinin prezidenti dəfələrlə bəyan edir ki, bizim arxivdə bununla bağlı milyonlarla sənəd var. Əgər erməninin də sənədi varsa çıxarıb ortalığa qoysun. Fakt odur ki, soyqırım müsəlmanlara, türklərə, kürdlərə qarşı törədilib. Xocalı soyqırımında həlak olan azərbaycanlılara aid şəkilləri belə ermənilər guya ki, öz xalqlarına qarşı törədilən cinayət kimi təqdim etdilər. Yəni burdan görünür ki, onlar necə saxtakardır. Son 30-40 ilə nəzər salsaq görərik ki, nə vaxt ki, Amerika, eləcə də dünyanın başqa ölkələri Türkiyədən nəyisə almaq istədikləri zaman bu soyqırım məsələsini gündəmə gətiriblər. Bu gün də elədir. Türkiyə öz sərhədini, vətəndaşının təhlükəsizliyini qorumaq üçün hərbi əməliyyatlar keçirib uğur qazanan kimi ABŞ tərəfi bunu həzm edə bilmədi. Eyni zamanda, Amerika Türkiyə-Rusiya münasibətlərinin yaxınlaşmasını qəbul edə bilmir. ABŞ ondan da narahatdır ki, Türkiyə, Azərbaycan, Çin və Orta Asiya dövlətlərinin güclü iqtisadi-siyasi birliyi yaranır. Amerikayadək bu soyqırımı bəzi ölkələr qəbul edib, lakin baxaq görək bunun Türkiyəyə hansı mənfi təsiri oldu. Təbi ki, heç nə. İndi də itirən tərəf ABŞ olacaq. Amerikanın 14 ştatı Xocalı soyqırımını tanıdığı kimi ABŞ Konqresi də tanımalıdır. Çünki bu gün həmin soyqırımın mənim kimi minlərlə şahidi var. Lakin gəlin baxaq görək, 1915-ci ildə guya ki, yaşanan “erməni soyqırımı”nın kimdir şahidi və ya hər hansı sübutu varmı? ABŞ əgər ədalətdən danışırsa, Xocalı soyqırımını tanısın, qondarma soyqırımı yox”.

BU KATEQORİYADAN OLAN DİGƏR XƏBƏRLƏR
+ Arxiv
Qida zəhərlənməsi qan qusmağa səbəb olmur - Tələbələrlə bağlı MÜƏMMA 23 Noyabr 2019, 04:26 İranda 100-dək etirazçı lider həbs edilib - Onlar edam oluna bilər 23 Noyabr 2019, 04:05 Baş redaktor erməni əsilli olması ittihamına cavab verdi: “Anaların milliyəti olmur” - QALMAQAL 23 Noyabr 2019, 03:35 Rusiya televiziyası azərbaycanlı Şeyxdən veriliş hazırladı 23 Noyabr 2019, 03:06 İŞİD-ə üzv olan azərbaycanlıların yeni siyahısı TAPILDI 23 Noyabr 2019, 02:54 Mehriban Əliyeva Valentina Matviyenko ilə şam yeməyində - FOTOLAR 23 Noyabr 2019, 02:24 Türkiyədə bir ilk - Qadın futbol klubunun prezidenti seçildi 23 Noyabr 2019, 02:22 "Qalatasaray” öz meydanında “Başakşəhər”ə uduzdu 23 Noyabr 2019, 02:17 Şəkər sabah dəfn olunacaq: Atasının Rusiyadan gəlməsini gözləyirlər 23 Noyabr 2019, 00:46 Türkiyədə 3,7 bal gücündə zəlzələ oldu 23 Noyabr 2019, 00:27 Argentina 17 "siyasi" səfirini geri çağırır 23 Noyabr 2019, 00:14 Polşada erməni təxribatının qarşısı alındı 22 Noyabr 2019, 23:58 Azərbaycan neftinin qiyməti dəyişdi 22 Noyabr 2019, 23:40 "Sumqayıt"ın prezidenti mükafat verəcək 22 Noyabr 2019, 23:23 ABŞ-dan İrana növbəti sanksiya 22 Noyabr 2019, 23:04 Prezidentdən 12 min illik göllə bağlı təlimat 22 Noyabr 2019, 22:49 "Böyük komandayıqsa, belə məğlubiyyətləri tez yaddan çıxarmalıyıq" - Qurban Qurbanov 22 Noyabr 2019, 22:34 Leyla Əliyeva Moskvada müzakirələr apardı - FOTO 22 Noyabr 2019, 22:14 Tofiq Yaqubludan ağır ittiham: Mühacir alveri qalmaqalı böyüyür 22 Noyabr 2019, 21:57 Rusiya telekanalları Mehriban Əliyevanın səfəri barədə reportajlar yayımlayıb 22 Noyabr 2019, 21:34 "Qarabağ" "Sumqayıt"la bacarmadı 22 Noyabr 2019, 21:20 Vladimir Putin Mehriban Əliyevaya “Dostluq” ordeni təqdim edib - FOTOLAR 22 Noyabr 2019, 21:06 Bərdəli gənc qızdırmadan ölüb 22 Noyabr 2019, 20:47 ABŞ-la Gürcüstan  hərbi əməkdaşlıq edəcək 22 Noyabr 2019, 20:33 Samuxdakı avtoqəzada iki qardaş xəsarət alıb 22 Noyabr 2019, 20:16 “Xəzər dialoqu 2019” forumunun tarixi bilindi 22 Noyabr 2019, 20:03 Azərbaycan AYİB-in donor ölkələr icmasına qoşulub  22 Noyabr 2019, 19:50 Təhsil naziri Ceyhun Bayramov valideynlərlə görüşüb - FOTO 22 Noyabr 2019, 19:35 Arıqlama həbləri bu xəstəliklərə səbəb olur 22 Noyabr 2019, 19:24 Azərbaycanın Almaniyadakı səfirliyi Köln şəhərində səyyar qəbul təşkil edəcək 22 Noyabr 2019, 19:10 "Azərbaycan Dəmir Yolları"ndan qəzayla bağlı AÇIQLAMA 22 Noyabr 2019, 19:00 Mərdəkan Müalicə Pansionatı istifadəyə verildi 22 Noyabr 2019, 18:42 İstirahət günlərinin hava PROQNOZU  22 Noyabr 2019, 18:30 Polislər üçün yaddaş kitabçası hazırlandı 22 Noyabr 2019, 18:26 Əbülfəs Qarayev müşavirə keçirdi 22 Noyabr 2019, 18:21