“Azərsu” ASC-nin sədri Qorxmaz Hüseynov Bakıda yağış kamanı bəzi ərazilərdə gölməçələrin yaranmasına münasibət bildirib.
Modern.az xəbər verir ki, Q. Hüseynovun sözlərinə görə, Bakıda bütün kanalizasiya xətləri mütəmadi təmizlənir, xüsusilə yağış barədə məlumat alan kimi bu kanalizasiyalar yenidən təmizlənir:
"Kanalizasiya xəttlərinə çox yad tullantlar atılır. Ona görə də belə problemlər yaşanır. Gölməçələrin yaranmasına bir neçə problem səbəb ola bilər. Kanalizasiyalarda problem ola bilər, ya kanalizasiya tutulur və ya yağış suları çox olduğuna görə kanalizasiya sistemləri çatdıra bilmir. Digər tərəfdən Bakıda əhalinin çoxalması, yeni yaşayış sahələrinin tikilməsi, sudan istifadənin çoxalması kanalizasiya xətlərinin həddən artıq yüklənməsinə səbəb olur. Buna görə də yeni kollektorlar tikilir ki, bu da xəttlərə düşən yükü azaldacaq. Eyni zamanda, yağış barmaqlıqlarının artırılması, su toplayıcılarının tikintisi işləri aparılır”.