Arxiv
2 May 2020, 15:01 | ƏDƏBİYYAT
Türk ilahəsi

Azad Müzəffərli

hekayə

Türkiyə prezidenti Azərbaycanda səfərdəydi. Paytaxtda gəzintiyə çıxmışdı. Hər addımda doğmacasına qarşılanırdı. O da hamını qəlbən salamlayır, sıx ünsiyyət qururdu. Dənizkənarı xiyabanda iynə atsaydın yerə düşməzdi. Xəzri kölgəyə çəkildiyindən hava da ürəkaçandı.

Şıq geyimli balaca Humay da nənəsi və anasıyla birgə bulvarın həzzini çıxarırdı. Bu adı ona təsadüfən verməmişdilər. Oğuz türklərinin qan yaddaşından dünyaya gəlmişdi. Anadangəlmə şahzadəydi, xoşbəxtlik müjdəçisi. Nəsildən-nəsilə ötürülən deyimlərə görə həqiqətən zatı olan kökdən idi. Evdəkilər onu “cənnət məlaikəsi” deyə çağırırdılar. Hamı onu qədim inanclardakı kimi xoşbəxtlik, səadət və firavanlıq rəmzi sanırdı. İsimi qədim türklərin özlərinin tanrıları bildikləri  Umay, Humay, Hüma, əcnəbi dillərdə Feniks kimi səslənən mifik quşun adından götülmüşdü. Deyilənə görə, qədim zamanlarda həmin quş kimin çiyninə qonardısa və ya kölgəsi kimin üzərinə düşərdisə, məhz həmən kəsi şah elan edərmişlər. Humay türklərin bu adla bağlı rəvayətlərində söyləndiyi təkin iri gözlü, təbiət qədər əsrarəngiz üz cizgilərinə malik qızdı. Əsilzadəlik, xanımlıq üçcə yaşı yenicə tamam olan bu qızın qanındaydı. Balaca canıynan işvə, naz satmaqda tayı-bərabəri yoxdu. Həlim, ürəyəyatımlı danışığı vardı, səsi də özü kimi gözəldi. Arada zümzümə də edərdi. İnanılası gəlməsə də, kimsəyə aman verməzdi, paltarlarını da özü geyinər, yeməyini də özü yeyərdi. “Özüm, özüm...” deməkdən yorulmazdı. Bir sözlə, nəsillərinin gözünün nuru, qəlbinin yaraşığıydı. 


   

Türkiyə prezidenti onların yaxınlığından ötəndə Humay nənəsi və anası ilə çay süfrəsi arxasında əyləşmişdi. Qardaş ölkənin dövlət başçısını da birinci o gördü, televizordan tanıyırdı. Elə həmin andaca “Azəybaycan, Tüykiyə...” deyə səsini başına atdı. Eşitdiyindən sanki qanad açan prezident tələm-tələsik onlara sarı yön aldı. İlk baxışdan bəlliyidi, uşağa qanı qaynadı. Balaca da canıynan, qanıynan türk balasıydı ki, türk balası. Humay Ankara doğumlu Azərbaycan türkü idi. Atası Hacəttəpə Universitetində doktoranturada təhsil aldığından orada yaşayırdılar. Tətil vaxtıydı deyə Bakıya doğmalarına dəyməyə gəlmişdilər.

-      Sağ ol balaca, halal olsun, tarix bizi ayrı salsa da, biz eyni millətik...

-      Bu həqiqətən belədir, bizim üçün Azərbaycan və Türkiyə eyni dərəcədə doğmadır, bizi kimsə ayıra bilməz! - deyə ətrafdan sədalar ucaldı. Baş verənləri körpə fəhmiylə anındaca tutan Humay səsini bir az da ucaltdı; “Azəybaycan, Tüykiyə mənim üyəyimdi!”

-      Can, bəs, bu şahzadə xanımın adı nədir? - deyə prezident körpəni var gücüylə bağrına basdı. 

-      Humay...

-      Hə, nə gözəl addı, bu ki, biz türklərin ilahəmizdi... Adı ilə böyüsün...

-      Var olun, yaşasın müstəqil Türkiyə və Azərbaycan!!! - Alqış sədaları yenidən  ucaldı.

Xoşbəxtliyin ərşə bülənd olduğu bu dəmdə balaca Humay prezidentə səsləndi:

- Sən biliysən, mənim çoxlu oyuncaqlayım vay; beş dənə Baybim, başqa kuklayayım, qablayım, qaşıqlayım, fincanlayım, itim – adı Toplandı... Qışda Şaxta baba da mənə hədiyyələy veymişdi...

- Ay can, sən nə bildin ki, mən də sənə oyuncaqlar gətirmişəm, ey dünya gözəli, şahzadələr şahzadəsi... – deyən Türkiyə prezidenti köməkçilərinə göz-qaşla hədiyyələri gətirməyi işarə elədi. Dünya görmüş kişiydi, əvvəlcədən qarşısına çıxacaq körpələri də unutmamışdı, hazırlıqlı gəlmişdi.    

Bir qucaq oyuncaq sovqatını sinəsinə bərk-bərk sıxan Humay “Çox sağ ol” deməyi də unutmadı. Ağlı iynə ucu boyda  kəsəndən beləydi, nəzakət dağarcığıydı. Sevinci yığıb-yığışdırmaqla qurtaran deyildi. Balacalar üçün oyuncaqlardan dəyərli nə ola bilər ki... Handa-handa, yəqinki, nənə-babası...

Körpə, eləcə də, ətrafdakılarla doğmacasına sağollaşan prezident təzəcə aralanmışdı ki, qəfil nəsə yadına düşən və əlindəki oyuncaqları tələm-tələsik anasına və nənəsinə uzadan Humay “Baba, baba...” qışqıraraq ali qonağa sarı götürüldü. Balacanın səsinə qanrılan prezident onu göyə qaldırıb yenidən doğma balası təkin bağrına basdı: - Səni Tanrı qorusun! Humaysa canfəşanlığından qalmırdı, ciddi-cəhdlə kürəyinə keçirdiyi çantasını çıxarmağa çalışırdı.  Heç kəsə imkan verməyən prezident böyük maraqla özü ona kömək elədi. Balaca bir göz qırpımında çantasını açdı və oradan iki bayraq çıxardı; bu Azərbaycanın və Türkiyənin bayraqları idi. Tezcənə bütün uşaq səmimiyyətilə bayraqları köksünə bənd eləyərək bərk-bərk qucaqladı. Bu mənzərəni seyr edənlərin də, prezidentin də göz yaşları selə döndü.


     
Səadət dolu anların şahə qalxdığı bir məqamda Humay məsumcasına hər iki bayrağı şəstlə prezidentə sarı uzatdı. Tövründən bəlliydi, bu da dost ölkənin başçısına  onun hədiyyəsi idi. Xoşbəxtliyindən çöhrəsi çiçək açan prezident bayraqları əvvəlcə böyük şərəf və izzətlə gözünün üstə qoydu, sonra öpərək havada yelləməyə başladı: “ Azərbaycan – Türkiyə iki dövlət, bir millət!”. Hamı sarsılmaz şövqlə yenidən onun səsinə səs verdi. Balacanın bu incə jestindən kövrələn prezident sonda dili güclə söz tutacaq tərzdə yalnız bunları deyə bildi: - Bütün ömrüm boyu mənə hədiyyə edilənlərdən bundan dəyərlisini xatırlamıram!

P.S: Bu hekayə üç yaşlı nəvəm Humay Mövsümlünün şəxsində bu adı daşıyan bütün körpələrə həsr olunub

BU KATEQORİYADAN OLAN DİGƏR XƏBƏRLƏR
+ Arxiv
Prezident küçələrdən siqaret kötükləri topladı 20 Sentyabr 2020, 00:59 İsveçrə ATƏT-in sədrliyi postuna namizəd irəli sürməyib 20 Sentyabr 2020, 00:43 Trampa qarşı qəsdin qarşısı alındı 20 Sentyabr 2020, 00:26 “Əsrin müqaviləsi”nin 26 ili tamamlandı 20 Sentyabr 2020, 00:09 Qubada polis postu quruldu 19 Sentyabr 2020, 23:58 6 futbol hakimi koronavirusa yoluxdu 19 Sentyabr 2020, 23:42 Əfqanıstanda terror: 1 ölü, 5 yaralı 19 Sentyabr 2020, 23:31 Bakıda kürəkən qaynanasını avtomobillə vurdu 19 Sentyabr 2020, 23:17 Bombardmançı təyyarə dünya rekordu qırdı 19 Sentyabr 2020, 23:03 Bu ölkədə koronavirusa yoluxanların sayı 390 358 nəfərə çatıb 19 Sentyabr 2020, 22:47 FETÖ ilə əməkdaşlıqda şübhəli bilinənlər saxlanıldı 19 Sentyabr 2020, 22:33 “Sumqayıt” lider oldu 19 Sentyabr 2020, 22:17 Amur çayı daşdı: balıqlar şəhərdə üzür – VİDEO 19 Sentyabr 2020, 22:01 Gəncədə gənc oğlan bıçaqlanıb 19 Sentyabr 2020, 21:44 BDU professorun universitetə buraxılmamasının SƏBƏBİNİ AÇIQLADI 19 Sentyabr 2020, 21:30 Türkiyədə koronavirusdan sağalanların sayı 266 117-yə çatıb  19 Sentyabr 2020, 21:17 Mahir Abbaszadə seçicilərlə növbəti videoqəbul keçirib 19 Sentyabr 2020, 20:58 “Bu işğalçı dövlətin növbəti məkrli oyunlara hazırlaşdığının bariz nümunəsidir” - Tural Gəncəliyev 19 Sentyabr 2020, 20:45 Qərbi Kaspi Universitetinin tələbələri Virtual Tələbə Uğur Forumuna qatılıb 19 Sentyabr 2020, 20:31 “Biz mütləq öz torpaqlarımıza qayıdacağıq” - İlham Əliyev 19 Sentyabr 2020, 20:18 Yol qəzası mərkəzi prospektdə tıxac yaratdı 19 Sentyabr 2020, 20:01 Nazirlikdən intihar edən müəllimə başsağlığı: “Qeyri-dəqiq məlumatların təqdimatı təəssüf doğurur” 19 Sentyabr 2020, 19:36 Xuraman Şuşalı 100 min xərclədiyi evini satışa çıxardı - VİDEO 19 Sentyabr 2020, 19:25 BDU-nun professorunu iş yerinə buraxmadılar - SƏBƏB 19 Sentyabr 2020, 19:11 Tofiq Yaqublu ilə bağlı qərar müxalifət üçün testdir - Azay Quliyev 19 Sentyabr 2020, 19:03 Prezident Qarabağ barədə DANIŞDI: “Xalq bilməlidir nələr baş verir” 19 Sentyabr 2020, 18:28 Azərbaycanda reanimasiyada olan COVİD-19 xəstələrinin sayı açıqlandı 19 Sentyabr 2020, 18:20 Naqif Həmzəyev: “Əsrin müqaviləsi”nin uğurlu icrası Azərbaycanın gücünə güc qatır" 19 Sentyabr 2020, 18:12 Konstitusiya referendumuna ehtiyac varmı… – Partiya liderlərindən MÜNASİBƏT 19 Sentyabr 2020, 18:03 Sumqayıtın yanından keçəndə hər kəs pəncərəni bağlayırdı ki….” – Ölkə başçısı 19 Sentyabr 2020, 17:52 1 həftəyə 13 milyard dollar QAZANDI 19 Sentyabr 2020, 17:40 İlham Əliyev: Bu gün Azərbaycan bütün reytinqlərdə ən qabaqcıl yerlərdədir 19 Sentyabr 2020, 17:31 Prezident təməlqoyma mərasimində... - YENİLƏNİB 19 Sentyabr 2020, 17:24 Komitə sədri seçicilərlə onlayn görüş keçirdi - FOTO 19 Sentyabr 2020, 17:22 Gəncədə 22 yaşlı oğlan naməlum şəraitdə bıçaqlanıb 19 Sentyabr 2020, 17:13