Bu gündən 8 iyun saat 06:00-dək Bakı, Sumqayıt, Gəncə, Lənkəran şəhərləri və Abşeron rayonunda sərt karantin rejimi qüvvədədir.
Modern.az xəbər verir ki, siyahısı Azərbaycan Respublikasının Nazirlər Kabineti tərəfindən müəyyənləşdirilən dövlət orqanlarının (qurumlarının) və digər təşkilatların fəaliyyəti istisna olmaqla, bütün iş, xidmət, o cümlədən ticarət sahələri üzrə fəaliyyət dayandırılır.
Qapadılma, həmçinin, ərzaq mağazalarını və aptekləri də əhatə edir.
Bu səbəbdən də Operativ Qərargah qapadılmadan əvvəl əhaliyə müraciət edərək, iki günlük ərzaq ehtiyatı, həmçinin, lazımi tibbi vasitələr almağı tövsiyə etmişdi.