Modern.az

Bu gün növbədənkənar sessiyanın ilk iclası keçiriləcək - GÜNDƏLİK

Bu gün növbədənkənar sessiyanın ilk iclası keçiriləcək - GÜNDƏLİK

5 Avqust 2020, 07:09

Bu gün Milli Məclisin növbədənkənar sessiyasının ilk iclası keçiriləcək.

Modern.az-ın məlumatına görə, növbədənkənar sessiya Azərbaycan Milli Məclisinin 59 deputatının tələbi ilə Konstitusiyanın 88-ci maddəsinin II hissəsinə əsasən parlament sədrinin sərəncamı ilə çağırılıb.

Qeyd edək ki, növbədənkənar sessiyanın iclasları üç gün davam edəcək.  Bu  sessiyada deputatlar 6 məsələyə baxacaqlar. 

Milli Məclisin Mətbuat və ictimaiyyətlə əlaqələr şöbəsi parlamentin avqustun 5-də keçiriləcək növbədənkənar sessiysasının ilk iclasının gündəliyini açıqlayıb.

İclasın gündəliyinə aşağıdakı məsələlər daxildir:

1. “Azərbaycan Respublikasının 2020-ci il dövlət büdcəsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

2. ”Sosial təminat və müdafiəni həyata keçirən müvafiq icra hakimiyyəti orqanının müəyyən etdiyi orqanın (qurumun) 2020-ci il büdcəsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

3. “İşsizlikdən sığorta fondunun 2020-ci il büdcəsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

4. “Məşğulluq haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

5. “İşsizlikdən sığorta haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

6. Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).

Telegram
Hadisələri anında izləyin!
Keçid et
Rusiyada ağır döyüşlər: Ukrayna partizanları əraziləri bombalayır