Modern.az

Azərbaycanlı xanım Amerika dövlət proqramının seçilən siması oldu

Azərbaycanlı xanım Amerika dövlət proqramının seçilən siması oldu

Diaspor

22 Oktyabr 2020, 16:38

ABŞ Dövlət Departamentinin Beynəlxalq Ziyarətçilərin Liderlik Proqramının (IVLP) 80 illik yubileyi münasibətilə seçilən 80 uğurlu siması arasında (#FacesofExchange) Azərbaycandan olan iştirakçı - Ellada Mustafayeva da yer alıb. Bu barədə məlumat ABŞ Dövlət Departamentinin Təhsil və Mədəniyyət İşləri üzrə Bürosunun rəsmi saytında qeyd olunub.

Modern.az xəbər verir ki, 1940-cı ildə təsis olunan proqramın 225.000-dən çox məzunu arasından seçilən 80 simadan biri olan Ellada Mustafayeva 2017-ci ildə IVLP proqramında iştirak edib. O, PR, media, təhsil və idarəçilik sahəsində dövlət və özəl qurumlarla peşəkar iş təcrübəsinə malikdir. Bir sıra beynəlxalq və yerli layihələrin idarə və icra olunmasında yer alıb. Müvafiq sahələr üzrə pedaqoji və təlimçilik fəaliyyəti ilə də məşğuldur.

Mədəni və peşəkar mübadilə proqramı olan IVLP ABŞ Dövlət Departamenti tərəfindən Amerika səfirliyi ilə birgə həyata keçirilir. Proqramın məqsədi ABŞ-ın dünya ölkələri ilə əlaqələrini gücləndirmək və fərqli ixtisas sahiblərininin peşəkar inkişaflarına dəstək olmaqdır.

Hər il dünyanın müxtəlif ölkələrindən olan təxminən 5.000 iştirakçı Beynəlxalq Ziyarətçilərin Liderlik Proqramı (IVLP) ilə ABŞ-a səfər edir.  IVLP-nin məzunları sırasında Marqaret Tetçer, Toni Bleyr, Nikola Sarkozi, İndira Qandi və s. kimi dünya liderlərini, ictimai xadimləri, müxtəlif sahələrdə öz ölkəsində və qlobal miqyasda tanınan peşəkar şəxsləri qeyd etmək olar.

Bu il 80 illik yubileyini qeyd edən IVLP-nin #FacesofExchange ("Mübadilə üzü") təşəbbüsü də proqram məzunlarının həyat hekayələrini, öz sahələri üzrə peşəkar inkişaflarını nümayiş etdirməklə proqramın qlobal cəmiyyətə təsirini vurğulamaq məqsədi daşıyır.

//eca.state.gov/ivlpparticipants/ellada-mustafayeva

//eca.state.gov/facesofexchange/all

 

Telegram
Hadisələri anında izləyin!
Keçid et
Paşinyan Qazaxa gəldi - Ermənilər üzərinə hücum çəkdi