Müsavat Partiyası Mərkəzi İcra Aparatının rəhbəri Gülağa Aslanlı əməliyyat olunub.
Modern.az xəbər verir ki, bu barədə Müsavat Partiyasının başqanı Arif Hacılı bildirib.
O qeyd edib ki, Bakı Sağlamlıq Mərkəzində əməliyyat olunan Gülağa Aslanlı səhər saatlarında səhhətində yaranan problemlə bağlı həkimə müraciət edib.
Məlumata görə, G. Aslanlının ürəyinə iki stent qoyulub, əməliyyat uğurla keçib.
Arif Hacılı onun səhhətinin normal olduğunu, sabah xəstəxanadan evə buraxılacağını bildirib.
