Ermənistanla Rusiya arasında təbii qazın qiymətləri ilə bağlı danışıqlar davam edir.
Modern.az Ermənistan KİV-nə istinadən xəbər verir ki, Moskvada səfərdə olan baş nazirin müavini Mqer Qriqoryan “Qazprom” rəhbərliyi ilə bu barədə danışıqlar aparır.
Ermənistan qazın hər min kubmetri üçün ödədiyi 165 dollar ödənişin 2022-ci ildən azaldılmasını təklif edir. “Qazprom” şirkəti isə təbii qazın dünya bazarlarında yüksək qiymətə satılmasını nəzərə alaraq qiyməti 25-30% artırmaq istəyir.
Ekspertlər istənilən halda, gələn ildən Ermənistanda əhaliyə satılan qazın qiymətinin artacağını təxmin edirlər.
Digər tərəfdən, 2022-ci il yanvarın 1-dən ölkədə hər 1 kubmer su üçün tarif 180 dramdan 200 drama qədər artırılıb.
