Ermənistan Türkiyənin Cənubi Qafqazdakı forpostu olacaq.
Modern.az xəbər verir ki, bu barədə Rusiya Qlobal Problemlər İnstitutunun direktoru, politoloq Mixail Delyagin bildirib.
Politoloqun fikrincə, Ermənistan son illər Moskvaya Gürcüstanı xatırlatmağa başlayıb.
“Rusiyaya görə, son 20 ilin siyasi diskussiyalarında iqtisadi cəhətdən zəif olan Ermənistan qətiyyətli insanların məskunlaşdığı yer kimi görünürdü. Amma inqilabdan sonra vəziyyət dəyişdi. Ermənistan Gürcüstanı xatırlatmağa başladı. Sonda isə Gürcüstanın səhvlərini təkrar edərək ərazilər itirdi”.
Delyagin sülh müqaviləsinin imzalanması, nəqliyyat kommunikasiyalarının və sərhədlərin açılmasından sonra Ermənistanın fərqli ölkəyə çevriləcəyini düşünür. Onun fikrincə, Ermənistan hərbi-siyasi və iqtisadi sahibini dəyişərək, zamanla Rusiyanın deyil, Türkiyənin forpostuna çevriləcək.
