ABŞ-da fəaliyyət göstərən Qarabağ Fondu Amerika tarixində ilk dəfə olaraq Qarabağa həsr olunmuş poçt markaları çap edib. Satış üçün nəzərdə tutulan bu poçt markaları Qarabağ: "Keçmişə və Gələcəyə Baxış" layihəsinin bir hissəsidir.
Fonddan Modern.az-a bildirilib ki, markaların üzərində Qarabağın tarixi abidələri, qədim Alban kilisələri, Şuşa qalası təsvir olunub. Qarabağ Fondu bu markaları ABŞ-ın tanınmış marka kolleksionerlərinə də hədiyyə olaraq təqdim edəcək. Markaları əldə istmək hər kəs Qarabağ Fondunun internet saytındakı onlayn mağazadan bu link vasitəsi ilə sifariş verə bilər: //www.karabakhfoundation.org/pages/shop/karabakh-stamps/.
Markaların satışından əldə olunan gəlir Qarabağ Fondunun mədəni layihələrini həyata keçirmək üçün sərf olunacaq.
Modern.az
