Kanadanın Baş naziri Castin Trüdo Kiyevə səfər edib.
Modern.az xəbər verir ki, bu barədə Kanadanın "The Globe and Mail" nəşri məlumat yayıb.
Bildirilir ki, onun səfəri əvvəlcədən elan edilməyib. Trüdo Ukrayna Prezidenti Volodimir Zelenski ilə görüşmək niyyətindədir. Liderlərin Kanadanın Ukraynaya dəstəyini müzakirə edəcəyi gözlənilir.
Bu, Kanadanın baş nazirinin müharibənin başlanmasından sonra Ukraynaya ikinci səfəridir. Trüdo sonuncu dəfə 2022-ci ilin mayında Kiyevə səfər edib.
