Türkiyənin Ağrı vilayətinə yağan leysan yağışlar səbəbindən Türkiyə-İran avtomobil yolu bağlanıb.
Modern.az xəbər verir ki, bu barədə TRT kanalı məlumat yayıb.
Bildirilir ki, leysan yağışdan sonra bölgədə daşqınlar baş verib. İran sərhədinə yaxın yaşayış məntəqələrində kənd təsərrüfatı sahələrinə ziyan dəyib.
Türkiyə-İran magistral yolunda maşın növbəsi yaranıb. Əraziyə xilasetmə qrupları göndərilib.
