Norveç kralı V Harald Malayziyada tətildə olarkən infeksiya diaqnozu ilə xəstəxanaya yerləşdirilib.
Modern.az xəbər verir ki, bu barədə Norveç kral məhkəməsinin mətbuat xidməti AFP-yə bildirib.
Məlumatda Malayziya və Norveç tibb işçilərinin 87 yaşlı krala yaxşı qulluq göstərdiyi bildirilir.
Avropanın ən qocaman krallarından olan V Harald son illərdə müxtəlif tənəffüs yoluxucu xəstəliklərdən və infeksiyalardan əziyyət çəkir. 2020-ci ildə kral ürək əməliyyatı keçirib və ürək qapağı dəyişdirilib. 2021-ci ildə dizindən əməliyyat olunub.
31 yanvar 2024-cü ildə kral məhkəməsi V Haraldın tənəffüs yoluxucu infeksiyaya görə fevralın 2-dək vəzifəsini dayandırdığını elan edib.
